ਭਾਰਤੀ ਪੁਰਸ਼ ਹਾਕੀ ਟੀਮ ਵਿਸ਼ਵ ਦੀਆਂ ਪੰਜ ਸਿਰਮੌਰ ਟੀਮਾਂ ਵਿੱਚ ਸ਼ੁਮਾਰ !    ਆਬਕਾਰੀ ਤੇ ਕਰ ਵਿਭਾਗ ਦੇ ਅਧਿਕਾਰੀਆਂ ਦੇ ਤਬਾਦਲੇ !    ਬਰਨਾਲਾ ਜੇਲ੍ਹ ਵਿੱਚ ਕੈਦੀ ਦੀ ਮੌਤ !    ਪ੍ਰੋਫੈਸ਼ਨਲ ਕੋਰਸਾਂ ਦੇ ਦਾਖ਼ਲਾ ਟੈੱਸਟ ਦੀਆਂ ਤਰੀਕਾਂ ਦਾ ਐਲਾਨ !    ‘ਪੈਸੇ ਬਦਲੇ ਤਰੱਕੀਆਂ ਮਾਮਲੇ’ ’ਚ ਘਿਰੇ ਕੰਡਕਟਰਾਂ ਨੇ ਦਿੱਤੀ ਸਫਾਈ !    ਬਾਦਲ ਸਰਕਾਰ ਧਰਮਾਂ ਦਾ ਸਨਮਾਨ ਕਾਇਮ ਰੱਖਣ ਵਿੱਚ ਫੇਲ੍ਹ: ਭੱਠਲ !    ਪੁਲੀਸ ਦੇ ਮੁਖ਼ਬਰ ਨੂੰ ਮਾਰੀ ਗੋਲੀ; ਗੰਭੀਰ ਜ਼ਖ਼ਮੀ !    ਟੈਕਸ ਭਰਨ ਲਈ 60 ਕੇਂਦਰ ਖੋਲ੍ਹੇਗਾ ਆਈਟੀ ਵਿਭਾਗ !    ਵਿਸ਼ਵਨਾਥਨ ਹੋਣਗੇ ਆਰ ਬੀ ਆਈ ਦੇ ਉਪ ਗਵਰਨਰ !    ਏਸ਼ੀਆ ਵਿੱਚ ਤੇਲ ਕੀਮਤਾਂ ਵਿੱਚ ਉਛਾਲ !    

ਬਿਜਲੀ ਚੋਰੀ ਕਰਨ ਦੇ ਦੋਸ਼ ’ਚ ਗੈਸ ਪਾਈਪ ਕੰਪਨੀ ਨੂੰ ਜੁਰਮਾਨਾ

Posted On July - 20 - 2010

ਪੱਤਰ ਪ੍ਰੇਰਕ
ਸ਼ਹਿਣਾ, 19 ਜੁਲਾਈ
ਪਿੰਡ ਜੰਗੀਆਣਾ ਵਿਚ ਗੈਸ ਪਾਈਪ ਪਾਉਣ ਵਾਲੀ ਕੰਪਨੀ ਵੱਲੋਂ ਬਿਜਲੀ ਚੋਰੀ ਕਰਨ ਦਾ ਮਾਮਲਾ ਫੜਿਆ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਿਜਲੀ ਬੋਰਡ ਦੇ ਐਸ.ਡੀ.ਓ. ਮੁਨੀਸ਼ ਕੁਮਾਰ ਜਿੰਦਲ ਦੀ ਅਗਵਾਈ ’ਚ ਟੀਮ ਨੇ ਜਦੋਂ ਪਿੰਡ ਜੰਗੀਆਣਾ ’ਚ ਸਵੇਰੇ ਛਾਪਾ ਮਾਰਿਆ ਤਾਂ ਗੈੈਸ ਪਾਈਪ ਲਾਈਨ ਪਾਉਣ ਵਾਲੀ ਕੰਪਨੀ ਦੇ ਮੁਲਾਜ਼ਮਾਂ ’ਚ ਅਫਰਾਤਫ਼ਰੀ ਫੈਲ ਗਈ। ਗੈਸ ਪਾਈਪ ਲਾਈਨ ਕੰਪਨੀ ਦੇ ਸੀਨੀਅਰ ਅਧਿਕਾਰੀਆਂ ਨੇ ਬਿਜਲੀ ਵਿਭਾਗ ਦੇ ਅਧਿਕਾਰੀਆਂ ਨੂੰ ਦੋ ਨੰਬਰ ’ਚ ਕੇਸ ਰਫਾ-ਦਫਾ ਕਰਨ ਦੀ ਅਪੀਲ ਕੀਤੀ। ਪਤਾ ਲੱਗਾ ਹੈ ਕਿ ਗੈਸ ਪਾਈਪ ਕੰਪਨੀ ਨੇ ਮੇਨ ਤਾਰ ’ਚੋਂ ਹੀ ਸਿੱਧੀ ਕੁੰਡੀ ਲਾਈ ਹੋਈ ਸੀ। ਇਹ ਗੱਲ ਵੀ ਉਭਰ ਕੇ ਸਾਹਮਣੇ ਆਈ ਕਿ ਬਿਜਲੀ ਦੇ ਖੰਭੇ ਤੋਂ ਕੁੰਡੀ ਲਾਉਣ ਉਪਰੰਤ ਤਾਰ ਨੂੰ ਧਰਤੀ ਹੇਠ ਬੜੀ ਹੀ ਸਫਾਈ ਨਾਲ ਦੱਬਿਆ ਹੋਇਆ ਸੀ। ਇਸ ਕੁੰਡੀ ਰਾਹੀਂ ਚੋਰੀ ਕੀਤੀ ਜਾ ਰਹੀ ਬਿਜਲੀ ਰਾਹੀਂ ਕਈ ਸਰਚ ਬੱਲਬ ਅਤੇ ਹੋਰ ਛੋਟੇ-ਮੋਟੇ ਕੰਮ ਚੱਲ ਰਹੇ ਸਨ।
ਬਿਜਲੀ ਚੋਰੀ ਫੜਨ ਗਈ ਟੀਮ ਵਿਚ ਐਸ.ਡੀ.ਓ. ਮੁਨੀਸ਼ ਕੁਮਾਰ, ਜੇ.ਈ. ਪਰਮਜੀਤ ਸਿੰਘ, ਜੇ.ਈ. ਅਮਰਜੀਤ ਸਿੰਘ, ਜੇ.ਈ. ਸਤਵਿੰਦਰ ਸਿੰਘ, ਜਸਬੀਰ ਸਿੰਘ, ਗੁਰਦੀਪ ਸਿੰਘ ਅਤੇ ਸੁਖਵਿੰਦਰ ਸਿੰਘ ਸ਼ਾਮਲ ਸਨ। ਬਿਜਲੀ ਵਿਭਾਗ ਦੀ ਟੀਮ ਨੇ ਲਾਈ ਕੁੰਡੀ ਅਤੇ ਜ਼ਮੀਨ ’ਚ ਦੱਬੀ ਤਾਰ ਨੂੰ ਵੀ ਕਬਜ਼ੇ ’ਚ ਲੈ ਲਿਆ ਹੈ। ਅੱਜ ਬਿਜਲੀ ਵਿਭਾਗ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਸ ਕੰਪਨੀ ਨੂੰ 5 ਲੱਖ ਰੁਪਏ ਦੇ ਕਰੀਬ ਜੁਰਮਾਨਾ ਕੀਤਾ ਗਿਆ ਹੈ। ਬਿਜਲੀ ਚੋਰੀ ਸਬੰਧੀ ਕੇਸ ਵੀ ਦਰਜ ਕਰਾਇਆ ਜਾ ਰਿਹਾ ਹੈ।


Comments Off on ਬਿਜਲੀ ਚੋਰੀ ਕਰਨ ਦੇ ਦੋਸ਼ ’ਚ ਗੈਸ ਪਾਈਪ ਕੰਪਨੀ ਨੂੰ ਜੁਰਮਾਨਾ
1 Star2 Stars3 Stars4 Stars5 Stars (No Ratings Yet)
Loading...
Share |
Both comments and pings are currently closed.

Comments are closed.

Available on Android app iOS app

ਖਬਰ ਵਿਚ ਹਾਲ ਮੈ ਲੋਕਪ੍ਰਿਯ

Powered by : Mediology Software Pvt Ltd.