ਗੰਧੜ ਬਲਾਤਕਾਰ ਕਾਂਡ ਦੇ ਤਿੰਨੋਂ ਦੋਸ਼ੀਆਂ ਨੂੰ 20-20 ਸਾਲ ਦੀ ਕੈਦ !    ਸ਼੍ਰੋਮਣੀ ਕਮੇਟੀ ਨੂੰ 60 ਲੱਖ ਸਾਲਾਨਾ ’ਚ ਪਵੇਗੀ ਮੁੱਖ ਸਕੱਤਰ ਦੀ ਨਿਯੁਕਤੀ: ਬੀਰਦਵਿੰਦਰ !    ਜਿਆਣੀ ਵੱਲੋਂ ਸਰਕਾਰੀ ਕੰਟੀਨਾਂ ’ਚੋਂ ਭੋਜਨ ਪਦਾਰਥਾਂ ਦੇ ਨਮੂਨੇ ਭਰਨ ਦੇ ਹੁਕਮ !    ਠੇਕੇਦਾਰੀ ਪ੍ਰਬੰਧ ਵਿੱਚ ਨੂੜੇ ਹਜ਼ਾਰਾਂ ਮੁਲਾਜ਼ਮ ਝੱਲ ਰਹੇ ਨੇ ਵਿੱਤੀ ਗ਼ੁਲਾਮੀ !    ਆਧੁਨਿਕ ਸਮਾਜ ਵਿੱਚ ਯੋਗ ਦਾ ਮਹੱਤਵ !    ਨਿਰਾਸ਼ ਕਿਸਾਨੀ ਕਿੱਧਰ ਜਾਵੇ ? !    ਭਾਰਤੀ ਮੀਡੀਆ ਕਦੋਂ ਬਣੇਗਾ ਸਿੱਖ ਮੁੱਦਿਆਂ ਦਾ ਮੁਦੱਈ ? !    ਘਾਤਕ ਹੈ ਵਧਦੀ ਆਬਾਦੀ ਦਾ ਰੁਝਾਨ !    ਪਾਕਿ ਵਿੱਚ ਖ਼ਰਾਬ ਭੋਜਨ ਖਾਣ ਕਰਕੇ 180 ਬੱਚੇ ਬਿਮਾਰ ਹੋੲੇ !    ਅਮਰਨਾਥ ਲੲੀ ਸ਼ਰਧਾਲੂਅਾਂ ਦਾ ਛੇਵਾਂ ਜਥਾ ਰਵਾਨਾ !    

ਹਰਮਨਜੋਤ ਵਾਲੀਆ ਨੇ ਨਾਸਾ ਦੇ ਮਾਡਲ ਮੁਕਾਬਲੇ ‘ਚ ਲਿਆ ਹਿੱਸਾ

Posted On June - 30 - 2011

ਬੁਢਲਾਡਾ: ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਛਾਪਿਆਂਵਾਲੀ ਦੇ ਰੇਤਲੇ ਟਿੱਬਿਆਂ ਉਪਰ ਪਹਿਲਾਂ ਹਮੇਸ਼ਾ ਭੱਖੜੇ ਦੇ ਫੁੱਲ ਹੀ ਉਗਦੇ ਰਹੇ ਹਨ। ਪਿੰਡ ਦੇ ਇਕ ਵਾਲੀਆ ਪਰਿਵਾਰ ਨੇ ਆਪਣੇ ਟਿੱਬਿਆਂ ਦੀ ਮਿੱਟੀ ਛਾਣਦਿਆਂ  ਭਲੇ ਵੇਲਿਆਂ ਵਿੱਚ ਸਿੱਖਿਆ ਦਾ ਅਜਿਹਾ ਲੜ ਫੜਿਆ ਕਿ ਇਸ ਪਰਿਵਾਰ ਦੇ ਲੜਕੇ ਪੜ੍ਹ-ਲਿਖ ਕੇ ਚੰਗੇ ਸਰਕਾਰੀ ਅਹੁਦਿਆਂ ‘ਤੇ ਬਿਰਾਜਮਾਨ ਹੋ ਗਏ। ਹੁਣ ਇਸ ਪਰਿਵਾਰ ਦੀ ਤੀਜੀ ਪੀੜ੍ਹੀ ਦੇ ਸਿੱਖਿਆ ਨਾਲ ਜੁੜੇ ਹਰਮਨਜੋਤ ਸਿੰਘ ਵਾਲੀਆ ਨੇ ਅਮਰੀਕੀ ਵਿਗਿਆਨ ਏਜੰਸੀ ਨਾਸਾ ਵੱਲੋਂ ਕਰਵਾਏ ਸਪੇਸ ਸੈਟਲਮੈਂਟ ਡਿਜ਼ਾਇਨ ਮੁਕਾਬਲੇ-2011 ਵਿੱਚ ਭਾਗ ਲੈ ਕੇ ਆਪਣੀ ਸੋਚ ਤੇ ਸਮਝ ਨੂੰ ਬੁਲੰਦ ਕੀਤਾ ਹੈ। ਇਸ ਮੁਕਾਬਲੇ ਵਿੱਚ ਹਰਮਨਜੋਤ ਸਿੰਘ ਦੀ ਟੀਮ ਨੇ ਰੋਸ਼ਨੀ ਦੇ ਟਾਈਟਨ ਦੇਵਤਾ ਹਾਈਪੀਰੀਅਨ ਦੇ ਨਾਂ ਉਤੇ ਪ੍ਰਸਤਾਵਤ ਪੁਲਾੜ ਆਬਾਦੀ ਦਾ ਡਿਜ਼ਾਇਨ ਤਿਆਰ ਕੀਤਾ ਜਿਸ ਨੂੰ ਪਸੰਦ ਕੀਤਾ ਗਿਆ। ਇਹ ਡਿਜ਼ਾਇਨ ਤਿਆਰ ਕਰਨ ਵਾਲੀ ਟੀਮ ਵਿੱਚ ਸਪਰਿੰਗ ਡੇਲ ਸੀਨੀਅਰ ਸੈਕੰਡਰੀ ਸਕੂਲ ਅੰਮ੍ਰਿਤਸਰ ਦੇ ਲੜਕੇ ਹਰਮਨਜੋਤ ਸਿੰਘ ਨਾਲ ਦੀਪਕ ਤਲਵਾੜ, ਗੌਰਵ ਕੁਮਾਰ, ਮਹਿਲ ਸਿੰਘ ਅਤੇ ਕਾਇਨਾਤ ਸਿੰਘ ਸਨ। ਨਾਸਾ ਵੱਲੋਂ ਕਰਵਾਏ ਗਏ ਇਸ ਮੁਕਾਬਲੇ ਵਿੱਚ ਦੁਨੀਆਂ ਭਰ ਦੇ ਵੱਖ ਵੱਖ ਸਕੂਲਾਂ ਦੇ 1078 ਵਿਦਿਆਰਥੀਆਂ ਨੇ ਭਾਗ ਲਿਆ। ਹਰਮਨਜੋਤ ਸਿੰਘ ਦੀ ਟੀਮ ਨੇ ਗਰੈਂਡ ਇਨਾਮ ਪ੍ਰਾਪਤ ਕੀਤਾ। ਪੰਜਾਬ ਦੀ ਇਸ ਟੀਮ ਨੂੰ 3000 ਅਮਰੀਕੀ ਡਾਲਰ ਤੋਂ ਵੀ ਵੱਧ ਰਾਸ਼ੀ ਅਤੇ ਇੱਕ ਸ਼ਾਨਦਾਰ ਸਨਮਾਨ ਚਿੰਨ੍ਹ 18 ਤੋਂ 22 ਮਈ ਤੱਕ ਅਮਰੀਕਾ ਦੇ ਸ਼ਹਿਰ ਅਲਮਾਬਾ ਵਿਖੇ ਹੋਏ ਸਨਮਾਨ ਸਮਾਰੋਹ ਵਿੱਚ ਦਿੱਤਾ ਗਿਆ। ਦਿਨੋ ਦਿਨ ਵਿਗਿਆਨ ਦੇ ਖੇਤਰ ਵਿੱਚ ਬੁਲੰਦੀਆਂ ਪਾਰ ਕਰ ਰਹੇ ਵਿਦਿਆਰਥੀ ਵਰਗ ਦੇ ਦਿਮਾਗ ਦੀ ਇਹ ਦਾਸਤਾਂ ਕੁਲਵੰਤ    ਸਿੰਘ (ਮੈਨੇਜਰ ਕੋਆਪ੍ਰੇਟਿਵ ਬੈਂਕ ਬੁਢਲਾਡਾ) ਨੇ ਦੱਸੀ ਹੈ। ਉਨ੍ਹਾਂ ਦੱਸਿਆ ਕਿ        ਹਰਮਨਜੋਤ ਸਿੰਘ ਵਾਲੀਆ ਆਪਣੇ ਸਿਵਲ ਸਰਜਨ ਪਿਤਾ ਭੁਪਿੰਦਰ ਸਿੰਘ ਅਤੇ ਸਰਕਾਰੀ ਕਾਲਜ ਤਰਨ ਤਾਰਨ ਦੀ ਲੈਕਚਰਾਰ ਸੁਰਿੰਦਰ ਕੌਰ ਨਾਲ ਅੰਮ੍ਰਿਤਸਰ ਵਿੱਚ ਰਹਿ ਕੇ ਹੀ ਸਪਰਿੰਗ ਡੇਲ ਸੀਨੀਅਰ ਸੈਕੰਡਰੀ ਸਕੂਲ ਅੰਮ੍ਰਿਤਸਰ ਵਿਖੇ ਪੜ੍ਹਾਈ ਕਰ ਰਿਹਾ ਹੈ। ਇਹ    ਲੜਕਾ ਸੇਵਾਮੁਕਤ ਬੈਂਕ ਮੈਨੇਜਰ ਮੋਹਨ ਸਿੰਘ       ਵਾਲੀਆ ਦਾ ਪੋਤਾ ਹੈ । ਹਰਮਨਜੋਤ ਨੇ ਮਾਨਸਾ ਜਿਲ੍ਹੇ ਦੇ ਪਛੜੇ ਪਿੰਡ ਛਾਪਿਆਂਵਾਲੀ ਦਾ ਨਾਂ ਸਪੇਸ ਵਿਗਿਆਨ ਦੁਨੀਆਂ ਵਿੱਚ ਚਮਕਾ ਦਿੱਤਾ ਹੈ।
- ਐਨ.ਪੀ. ਬੁਢਲਾਡਾ
J ਮੋਬਾਈਲ: 98721-37346


Comments Off
Share |
Both comments and pings are currently closed.

Comments are closed.

Cricket World Cup 2015
Available on Android app iOS app
  • ਮੌਸਮ

    Delhi, India 29 °CHaze
    Chandigarh, India 28 °CMostly Cloudy
    Ludhiana,India 28 °CMostly Cloudy
    Dehradun,India 24 °CHaze

ਕ੍ਰਿਕਟ

Powered by : Mediology Software Pvt Ltd.