ਸਮਝੌਤੇ 'ਤੇ ਦਸਤਖ਼ਤ ਮਗਰੋਂ ਰਿਲਾਇੰਸ ਮਨੀ ਦੇ ਰਿਜਨਲ ਕੋਆਰਡੀਨੇਟਰ ਗੀਤਿਕਾ ਸੱਜਣਹਾਰ ਤੇ ਰਿਆਤ ਬਾਹਰਾ ਗਰੁੱਪ ਦੇ ਜੇ.ਐਮ.ਡੀ. ਸੰਦੀਪ ਕੌੜਾ ਹੋਰ ਸ਼ਖ਼ਸੀਅਤਾਂ ਨਾਲ (ਫੋਟੋ: ਭਿੰਡਰ)

ਨਿੱਜੀ ਪੱਤਰ ਪ੍ਰੇਰਕ
ਪਟਿਆਲਾ, 22 ਅਗਸਤ
ਰਿਆਤ ਬਾਹਰਾ ਗਰੁੱਪ ਨੇ ਐਮ.ਬੀ.ਏ. ਦੇ ਵਿਦਿਆਰਥੀਆਂ ਦੇ ਚੰਗੇਰੇ ਭਵਿੱਖ ਲਈ ਰਿਲਾਇੰਸ ਮਨੀ ਇਨਫਰਾਸਟਰਕਚਰ ਲਿਮਟਿਡ  ਨਾਲ ਇੱਕ ਸਮਝੌਤੇ ਕੀਤਾ ਹੈ, ਜਿਸ ਦਾ ਮੁੱਖ ਮਕਸਦ ਮੈਨੇਜਮੈਂਟ ਦੇ ਵਿਦਿਆਰਥੀਆਂ ਵਿੱਚ ਨੌਕਰੀਆਂ ਹਾਸਲ ਕਰਨ ਲਈ ਹੋਰ ਵਧੇਰੇ ਯੋਗਤਾ ਪੈਦਾ ਕਰਨਾ ਅਤੇ ਰੁਜ਼ਗਾਰ ਸਬੰਧੀ ਬਾਰੀਕੀਆਂ ਤੋਂ ਵਿਦਿਆਰਥੀਆਂ ਨੂੰ ਜਾਣੂ ਕਰਵਾਉਣਾ ਹੈ। ਅੱਜ ਇਸ ਸਮਝੌਤੇ ‘ਤੇ  ਰਿਲਾਇੰਸ ਮਨੀ ਇਨਫਰਾਸਟਰਕਚਰ ਦੀ ਰਿਜਨਲ ਕੋਆਰਡੀਨੇਟਰ ਨਾਰਥ ਗੀਤਿਕਾ ਸੱਜਣਹਾਰ ਅਤੇ ਰਿਆਤ ਬਾਹਰਾ ਗਰੁੱਪ ਦੇ ਜੇ.ਐਮ.ਡੀ. ਸੰਦੀਪ ਕੌੜਾ ਨੇ ਰਿਆਤ ਬਾਹਰਾ ਗਰੁੱਪ ਆਫ਼ ਇੰਸਟੀਚਿਊਟ ਪਟਿਆਲਾ ਕੈਂਪਸ ਵਿੱਚ ਦਸਤਖ਼ਤ ਕੀਤੇ।
ਇਸ ਮੌਕੇ ਮਿਸ ਗੀਤਿਕਾ ਨੇ ਦੱਸਿਆ ਕਿ ਕੰਪਨੀ ਵਿਦਿਆਰਥੀਆਂ ਨੂੰ ਆਧੁਨਿਕ ਬਾਜ਼ਾਰੀ ਗਤੀਵਿਧੀਆਂ ਅਤੇ ਬਾਜ਼ਾਰ ਦੀ ਮੰਗ ਸਬੰਧੀ ਹੇਠਲੇ ਪੱਧਰ ਤੋਂ ਜਾਣਕਾਰੀ ਮੁਹੱਈਆ ਕਰਵਾਏਗੀ। ਇਸ ਦੇ ਨਾਲ ਹੀ ਕੰਪਨੀ ਵਿਦਿਆਰਥੀਆਂ ਦੇ ਚੰਗੇਰੇ ਭਵਿੱਖ ਲਈ ਉਨ੍ਹਾਂ ਨੂੰ ਨੌਕਰੀਆਂ ਹਾਸਲ ਕਰਨ ਵਿੱਚ ਵੀ ਸਹਾਇਕ ਬਣੇਗੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਰਿਆਤ ਬਾਹਰਾ  ਕੈਂਪਸ ਦੇ ਡਾਇਰੈਕਟਰ ਡਾਕਟਰ ਪਿਊਸ਼ ਵਰਮਾ, ਐਮ.ਬੀ.ਏ. ਕਾਲਜ ਦੇ ਡਾਇਰੈਕਟਰ ਆਰ. ਪੀ. ਯਾਦਵ ਕਰੀਅਰ ਡਿਵੈਲਪਮੈਂਟ ਵਿਭਾਗ ਦੇ ਮੁਖੀ ਸਤਬੀਰ ਸਿੰਘ ਬਾਜਵਾ ਤੇ ਬਲਵਿੰਦਰਜੀਤ ਸਿੰਘ ਡਿਪਟੀ ਡਾਇਰੈਕਟਰ ਐਡਮਿਸ਼ਨ ਪਲੇਸਮੈਂਟ ਮੌਜੂਦ ਸਨ।