ਪਿੰਡ ਸ਼ਾਮਪੁਰ ਵਿੱਚ ਝੰਡੀ ਦੀ ਕੁਸ਼ਤੀ ਆਰੰਭ ਕਰਾਉਂਦੇ ਹੋਏ ਵਿਧਾਇਕ ਬਲਬੀਰ ਸਿੰਘ ਸਿੱਧੂ (ਫੋਟੋ: ਚਿੱਲਾ)

ਪੱਤਰ ਪ੍ਰੇਰਕ
ਬਨੂੜ, 22 ਅਗਸਤ
ਪਿੰਡ ਸ਼ਾਮਪੁਰ ਵਿਖੇ ਬਾਬਾ ਸਿਆਮ ਗਿਰੀ ਦੀ ਯਾਦ ਵਿੱਚ ਸਾਲਾਨਾ ਕੁਸ਼ਤੀ ਦੰਗਲ ਕਰਾਇਆ ਗਿਆ। ਰਿੰਕੂ ਘੱਗਰ ਸਰਾਏ ਨੇ ਸੰਦੀਪ ਜਲੰਧਰ ਨੂੰ  ਗਹਿਗੱਚ ਮੁਕਾਬਲੇ ਵਿੱਚ ਹਰਾ ਕੇ 31,000 ਰੁਪਏ ਦੀ ਝੰਡੀ ਦੀ ਕੁਸ਼ਤੀ ਜਿੱਤੀ।    ਛੋਟੀ ਝੰਡੀ ਦੀ ਕੁਸ਼ਤੀ ਵਿੱਚ ਕਾਕਾ ਘੱਗਰ ਸਰਾਏ ਨੇ ਗੁਰਪ੍ਰੀਤ ਜ਼ੀਰਕਪੁਰ ਨੂੰ ਹਰਾਇਆ।
ਇਸ ਛਿੰਝ ਵਿਚ ਜਲੰਧਰ ਦਿੱਲੀ, ਅੰਬਾਲਾ ਅਤੇ ਜ਼ੀਰਕਪੁਰ ਅਖਾੜਿਆਂ ਦੇ 100 ਤੋਂ ਵੱਧ ਪਹਿਲਵਾਨਾਂ ਨੇ ਸੈਂਕੜੇ ਦਰਸ਼ਕਾਂ  ਦਾ ਮਨੋਰੰਜਨ ਕੀਤਾ।     ਪ੍ਰਮੁੱਖ ਜੇਤੂ ਭਲਵਾਨਾਂ ਵਿੱਚ ਸੰਜੀਵ, ਬਿੱਲਾ, ਰਾਜੂ, ਸਰੂਪ, ਨਾਗਰ ਆਦਿ ਸ਼ਾਮਲ ਸਨ।
ਇਸ ਮੌਕੇ ਹਲਕਾ ਵਿਧਾਇਕ ਬਲਬੀਰ ਸਿੰਘ ਸਿੱਧੂ ਮੁੱਖ ਮਹਿਮਾਨ ਵਜੋਂ ਪੁੱਜੇ। ਉਨ੍ਹਾਂ 5100 ਰੁਪਏ ਦੀ ਰਾਸ਼ੀ ਪ੍ਰਬੰਧਕਾਂ ਨੂੰ ਦੇਣ ਦਾ ਐਲਾਨ ਕੀਤਾ। ਹਰਕੇਸ਼ ਚੰਦ ਸ਼ਰਮਾ ਮੱਛਲੀ ਕਲਾਂ, ਯੂਥ ਅਕਾਲੀ ਆਗੂ ਸਤਿੰਦਰ ਗਿੱਲ, ਕਰਮ ਸਿੰਘ ਮਾਣਕਪੁਰ, ਛੱਜਾ ਸਿੰਘ ਕੁਰੜੀ, ਜਸਵੰਤ ਸਿੰਘ ਸਰਪੰਚ ਨਗਾਰੀ, ਮੋਹਨ ਸਿੰਘ ਬਠਲਾਣਾ ਨੇ ਵੀ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਿਰਕਤ ਕੀਤੀ। ਛਿੰਝ ਦੇ ਪ੍ਰਬੰਧਕਾਂ ਜਸਵੀਰ ਸਿੰਘ ਕਾਲਾ, ਇੰਦਰਜੀਤ ਸਿੰਘ, ਕੁਲਦੀਪ ਸਿੰਘ, ਜਗਤਾਰ ਸਿੰਘ ਘੋਕਾ, ਰਾਜਿੰਦਰ ਸਿੰਘ ਆਦਿ ਦੀ ਅਗਵਾਈ ਹੇਠ ਪਹਿਲਵਾਨਾਂ ਅਤੇ ਮਹਿਮਾਨਾਂ ਦਾ ਸਨਮਾਨ ਕੀਤਾ ਗਿਆ।