ਸ਼ਹੀਦਾਂ ਦੇ ਜੀਵਨ ਅਤੇ ਸਿੱਖਿਆਵਾਂ ਤੋਂ ਪ੍ਰੇਰਣਾ ਲੈਣ ਦੀ ਲੋੜ: ਅਭੈ ਸੰਧੂ !    ਮਨਸਾ ਦੇਵੀ ਨਵਰਾਤਰ ਮੇਲੇ ਲਈ ਹਰਿਆਣਾ ਰੋਡਵੇਜ਼ ਚਲਾਏਗਾ 40 ਬੱਸਾਂ !    ਦਸਵੀਂ ਦਾ ਹਿੰਦੀ ਦਾ ਪੇਪਰ ਲੀਕ !    25 ਆਈਏਐਸ ਤੇ ਇਕ ਪੀਸੀਐਸ ਅਧਿਕਾਰੀਆਂ ਦੇ ਤਬਾਦਲੇ !    ਸ਼ਹੀਦ ਭਗਤ ਸਿੰਘ ਦੀਆਂ ਲਿਖਤਾਂ ਵਿੱਚ ਇਤਿਹਾਸਕ ਹਵਾਲੇ !    ਆਜ਼ਾਦੀ ਦੇ ਪਰਵਾਨੇ ਦੀ ਗੌਰਵ ਗਾਥਾ !    ਬਿਖੜੇ ਪੈਂਡੇ ਦੇ ਹਮਸਫ਼ਰ !    ਫੁਟਬਾਲ: ਦੋਸਤਾਨਾ ਮੈਚ ਵਿੱਚ ਭਾਰਤ ਨੇ ਕੰਬੋਡੀਆ ਨੂੰ ਹਰਾਇਆ !    ਗੁਰੂ ਹਰਿ ਰਾਏ ਜੀ !    ਲਾਹੌਰ ਹਵਾਈ ਅੱਡੇ ਤੋਂ ਰਾਈਫਲ ਤੇ ਗੋਲੀ ਸਿੱਕੇ ਸਮੇਤ ਇਕ ਕਾਬੂ !    

‘ਸਰਵਣ’ ਵਿੱਚ ਸੁਣਾਈ ਦੇਵੇਗਾ ਪ੍ਰਿਅੰਕਾ ਦੇ ਪਿਤਾ ਦਾ ਗੀਤ

Posted On January - 3 - 2017
ਫਿਲਮ ‘ਸਰਵਣ’ ਦਾ ਪੋਸਟਰ।

ਫਿਲਮ ‘ਸਰਵਣ’ ਦਾ ਪੋਸਟਰ।

ਮੁੰਬਈ, 3 ਜਨਵਰੀ
ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਦੇ ਹੋਮ ਪ੍ਰੋਡਕਸ਼ਨ ਦੀ ਅਗਾਮੀ ਫ਼ਿਲਮ ‘ਸਰਵਣ’ ਵਿੱਚ ਦਰਸ਼ਕਾਂ ਨੂੰ ਗੁਰੂ ਗੋਬਿੰਦ ਸਿੰਘ ਦਾ ਇਕ ਸ਼ਬਦ ਵੀ ਸੁਣਾਈ ਦੇਵੇਗਾ, ਜਿਸ ਨੂੰ ਪ੍ਰਿਅੰਕਾ ਦੇ ਮਰਹੂਮ ਪਿਤਾ ਡਾ. ਅਸ਼ੋਕ ਚੋਪੜਾ ਨੇ ਗਾਇਆ ਹੈ। ਡਾ. ਚੋਪੜਾ ਦੀ ਜੂਨ 2010 ਵਿੱਚ ਮੌਤ ਹੋ ਗਈ ਸੀ। 34 ਸਾਲਾ ਅਦਾਕਾਰਾ ਨੇ ਟਵਿੱਟਰ ’ਤੇ ਇਹ ਖ਼ਬਰ ਸਾਂਝੀ ਕਰਦਿਆਂ ਕਿਹਾ ਕਿ ਉਸ ਲਈ ਇਸ ਸ਼ਬਦ ਦੀ ਵਿਆਖਿਆ ਕੁਝ ਖਾਸ ਹੈ ਕਿਉਂਕਿ ‘ਇਸ ਨੂੰ ਸੁਣ ਕੇ ਇੰਜ ਲਗਦਾ ਹੈ ਜਿਵੇਂ ਮੇਰੇ ਪਿਤਾ ਮੇਰੇ ਕੋਲ ਹੀ ਹਨ।’ ਅਮਰੀਕੀ ਲੜੀਵਾਰ ‘ਕੁਆਂਟਿਕੋ’ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਨੇ ਕਿਹਾ ਕਿ ਉਸ ਦੇ ਪਿਤਾ ਨੇ ਇਹ ਸ਼ਬਦ ਬਹੁਤ ਪਹਿਲਾਂ ਰਿਕਾਰਡ ਕਰਵਾਇਆ ਸੀ, ਪਰ ਉਦੋਂ ਸਿਹਤ ਵਿਗੜਨ ਕਰਕੇ ਉਹ ਇਸ ਨੂੰ ਰਿਲੀਜ਼ ਨਾ ਕਰ ਸਕੇ। ਪ੍ਰਿਅੰਕਾ ਨੇ ਕਿਹਾ,‘ਉਨ੍ਹਾਂ ਗੀਤ ਰਿਕਾਰਡ ਕਰ ਲਿਆ ਸੀ ਤੇ ਅਸੀਂ ਇਸ ਨੂੰ ਰਿਲੀਜ਼ ਕਰਨਾ ਚਾਹੁੰਦੇ ਸੀ, ਪਰ ਫਿਰ ਉਹ ਬਿਮਾਰ ਹੋ ਗਏ…ਮੈਂ ਜਦੋਂ ਵੀ ਇਸ ਗੀਤ ਨੂੰ ਸੁਣਦੀ ਹਾਂ ਤੇ ਮੈਨੂੰ ਆਪਣੇ ਪਿਤਾ ਦੇ ਨੇੜੇ ਹੀ ਹੋਣ ਦਾ ਅਹਿਸਾਸ ਹੁੰਦਾ ਹੈ।’ ਇਥੇ ਦੱਸਣਾ ਬਣਦਾ ਹੈ ਕਿ ਅਦਾਕਾਰਾ ਦੀ ਆਪਣੇ ਪਿਤਾ ਨਾਲ ਕਾਫ਼ੀ ਨੇੜਤਾ ਸੀ ਤੇ ਇਹੀ ਵਜ੍ਹਾ ਹੈ ਕਿ ਉਸ ਨੇ ਆਪਣੇ ਗੁਟ ’ਤੇ ‘ਡੈਡੀਜ਼ ਲਿਲ ਗਰਲ’ ਨਾਂ ਦਾ ਟੈਟੂ ਖੁਦਵਾਇਆ ਹੈ। ਕੈਂਸਰ ਨਾਲ ਲੜਦਿਆਂ ਡਾ.ਅਸ਼ੋਕ ਚੋਪੜਾ ਦੀ 62 ਸਾਲ ਦੀ ਉਮਰ ’ਚ ਮੌਤ ਹੋ ਗਈ ਸੀ। ਫ਼ਿਲਮ ‘ਸਰਵਣ’ 13 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।

 -ਪੀਟੀਆਈ 


Comments Off on ‘ਸਰਵਣ’ ਵਿੱਚ ਸੁਣਾਈ ਦੇਵੇਗਾ ਪ੍ਰਿਅੰਕਾ ਦੇ ਪਿਤਾ ਦਾ ਗੀਤ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app

ਖਬਰ ਵਿਚ ਹਾਲ ਮੈ ਲੋਕਪ੍ਰਿਯ

Powered by : Mediology Software Pvt Ltd.