ਮੁੰਬਈ: ਗਾਇਕ ਸੋਨੂ ਨਿਗਮ ਅਤੇ ਸ਼ਾਨ 22 ਅਕਤੂਬਰ ਨੂੰ ‘ਕੌਨ ਬਣੇਗਾ ਕਰੋੜਪਤੀ 13’ ਦੇ ‘ਸ਼ਾਨਦਾਰ ਸ਼ੁੱਕਰਵਾਰ’ ਵਿੱਚ ਵਿਸ਼ੇਸ਼ ਮਹਿਮਾਨ ਵਜੋਂ ਹਾਜ਼ਰ ਹੋਣਗੇ। ਇਸ ਦੌਰਾਨ ਉਹ ‘ਦਸ ਬਹਾਨੇ’, ‘ਆਲ ਇਜ਼ ਵੈੱਲ’, ‘ਮਾਈ ਦਿਲ ਗੋਜ਼’ ਅਤੇ ‘ਮੈਂ ਅਗਰ ਕਹੂੰ’ ਸਮੇਤ ਹੋਰ ਕਈ ਗੀਤ ਗਾਉਂਦੇ ਨਜ਼ਰ ਆਉਣਗੇ। ਦੋਵੇਂ ਗਾਇਕ ਪ੍ਰਤੀਯੋਗੀ ਵਜੋਂ ਖੇਡ ਵਿੱਚ ਹਿੱਸਾ ਲੈਣਗੇ ਅਤੇ ਮੇਜ਼ਬਾਨ ਅਮਿਤਾਭ ਬੱਚਨ ਨਾਲ ਫਿਲਮੀ ਦੁਨੀਆ ਵਿੱਚ ਉਨ੍ਹਾਂ ਦੇ ਕਿੱਸੇ ਅਤੇ ਤਜਰਬੇ ਵੀ ਸਾਂਝੇ ਕਰਨਗੇ। ਇਸ ਦੌਰਾਨ ਅਮਿਤਾਭ ਦੋਵਾਂ ਗਾਇਕਾਂ ਲਈ ਇੱਕ ਨਵਾਂ ਨਿਯਮ ਬਣਾਉਂਦੇ ਦਿਖਾਈ ਦੇਣਗੇ, ਜਿਸ ਤਹਿਤ ਜਦੋਂ ਵੀ ਇਕ ‘ਪੜਾਅ’ ਪੂਰਾ ਹੋਵੇਗਾ, ਉਨ੍ਹਾਂ ਨੂੰ ਗੀਤ ਗਾਉਣਾ ਪਵੇਗਾ। ਦਰਸ਼ਕਾਂ ਦੇ ਮਨੋਰੰਜਨ ਲਈ ਦੋਵੇਂ ਗਾਇਕ ਅਮਿਤਾਭ ਬੱਚਨ ਨਾਲ ‘ਅੰਤਾਕਸ਼ਰੀ’ ਖੇਡਦੇ ਤੇ ਗ਼ਜ਼ਲਾਂ ਗਾਉਂਦੇ ਨਜ਼ਰ ਆਉਣਗੇ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
