ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 18 ਅਕਤੂਬਰ
ਵੱਖ ਵੱਖ ਥਾਣਿਆਂ ਦੀ ਪੁਲੀਸ ਨੇ ਛੇ ਜਣਿਆਂ ਨੂੰ ਦੜਾ ਸੱਟਾ ਲਗਾਉਂਦਿਆਂ ਗ੍ਰਿਫ਼ਤਾਰ ਕਰ ਕੇ ਨਕਦੀ ਵੀ ਬਰਾਮਦ ਕੀਤੀ ਹੈ। ਥਾਣਾ ਦਰੇਸੀ ਦੀ ਪੁਲੀਸ ਨੇ ਮੁਹੰਮਦ ਖੁਰਸ਼ੀਦ ਵਾਸੀ ਕੁਲਦੀਪ ਨਗਰ ਨੂੰ ਮੇਨ ਰੋਡ ਬਾਲ ਸਿੰਘ ਨਗਰ ਨੇੜੇ ਐੱਸਬੀਆਈ ਏਟੀਐਮ ਕੋਲ ਤੁਰ ਫਿਰ ਕੇ ਦੜਾ ਸੱਟਾ ਲਗਾਉਂਦਿਆਂ ਕਾਬੂ ਕੀਤਾ ਹੈ। ਜਾਂਚ ਅਧਿਕਾਰੀ ਜੋਗਿੰਦਰਪਾਲ ਨੇ ਦੱਸਿਆ ਹੈ ਕਿ ਉਸ ਕੋਲੋਂ 5600 ਰੁਪਏ ਵੀ ਬਰਾਮਦ ਹੋਏ ਹਨ। ਇਸੇ ਤਰ੍ਹਾਂ ਅਜੇ ਮਸੀਹ ਵਾਸੀ ਭਾਮੀਆਂ ਖੁਰਦ ਨੂੰ ਸ਼ਿਵ ਮੰਦਰ ਬਸਤੀ ਮਨੀ ਸਿੰਘ ਨੇੜੇ ਕਾਬੂ ਕਰ ਕੇ 6720 ਰੁਪਏ ਬਰਾਮਦ ਕੀਤੇ ਗਏ ਹਨ। ਇਕ ਹੋਰ ਮਾਮਲੇ ਵਿੱਚ ਥਾਣਾ ਡਿਵੀਜ਼ਨ ਨੰਬਰ ਅੱਠ ਦੀ ਪੁਲੀਸ ਨੇ ਜਗਦੀਸ਼ ਕੁਮਾਰ ਵਾਸੀ ਨਿਊ ਕੁੰਦਨਪੁਰੀ ਨੂੰ ਅਰੋੜਾ ਰੈਡੀਮੇਡ ਸਟੋਰ ਨਿਊ ਕੁੰਦਨਪੁਰੀ ਬਾਹਰ ਦੜਾ ਸੱਟਾ ਲਗਾਉਂਦਿਆਂ ਗ੍ਰਿਫ਼ਤਾਰ ਕਰ ਕੇ 8400 ਰੁਪਏ ਬਰਾਮਦ ਕੀਤੇ ਹਨ। ਇਸੇ ਤਰ੍ਹਾਂ ਥਾਣਾ ਮੋਤੀ ਨਗਰ ਦੀ ਪੁਲੀਸ ਨੇ ਗੋਪਾਲ ਵਾਸੀ ਹਬੀਬਗੰਜ ਅਤੇ ਤਰਨਜੀਤ ਸਿੰਘ ਵਾਸੀ ਗਊਸ਼ਾਲਾ ਰੋਡ ਨੂੰ ਟ੍ਰਾਂਸਪੋਰਟ ਨਗਰ ਸਥਿਤ ਸ਼ਰਾਬ ਠੇਕੇ ਦੇ ਪਿਛਲੇ ਪਾਸਿਓਂ ਕਾਬੂ ਕੀਤਾ ਹੈ। ਹੌਲਦਾਰ ਕੁਲਦੀਪ ਸਿੰਘ ਨੇ ਦੱਸਿਆ ਹੈ ਕਿ ਮੁਲਜ਼ਮਾਂ ਤੋਂ 2380 ਰੁਪਏ ਬਰਾਮਦ ਹੋਏ ਹਨ। ਇਸੇ ਤਰ੍ਹਾਂ ਥਾਣਾ ਟਿੱਬਾ ਦੀ ਪੁਲੀਸ ਨੇ ਭਾਰਤ ਭੂਸ਼ਨ ਵਾਸੀ ਕਿਸ਼ੋਰ ਨਗਰ ਨੂੰ ਸੁਭਾਸ਼ ਨਗਰ ਸਥਿਤ ਗਰੀਨਲੈਂਡ ਸਕੂਲ ਨੇੜੇ ਦੜਾ ਸੱਟਾ ਲਗਾਉਣ ਲਈ ਗਾਹਕਾਂ ਦੀ ਉਡੀਕ ਕਰਦਿਆਂ ਕਾਬੂ ਕੀਤਾ ਹੈ।
