ਪੱਤਰ ਪ੍ਰੇਰਕ
ਬਠਿੰਡਾ 5 ਅਕਤੂਬਰ
ਗੁਜਰਾਤ ਵਿੱਚ 36ਵੀਆਂ ਕੌਮੀ ਖੇਡਾਂ ਵਿੱਚ ਬਠਿੰਡਾ ਦੀ ਧੀ ਹਰਨਵਦੀਪ ਕੌਰ ਨੇ ਨਿਸ਼ਾਨੇਬਾਜ਼ੀ ਵਿੱਚ ਸੋਨ ਤਗਮਾ ਜਿੱਤ ਕੇ ਪੂਰੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਹੈ। ਪਿਤਾ ਨਵਤੇਜ ਸਿੰਘ ਖੋਖਰ, ਮਾਤਾ ਪ੍ਰਿੰਸੀਪਲ ਮਨਦੀਪ ਕੌਰ ਖੋਖਰ ਅਤੇ ਦਾਦਾ ਡਾ: ਗੁਰਨਾਮ ਸਿੰਘ ਖੋਖਰ ਨਾਲ ਬਠਿੰਡਾ ਪੁੱਜਣ ’ਤੇ ਪਹੁੰਚੀ ਤਾਂ ਬਠਿੰਡਾ ਵਾਸੀਆਂ ਨੇ ਉਸ ਦਾ ਸ਼ਾਨਦਾਰ ਸਵਾਗਤ ਕੀਤਾ|ਸੁਸ਼ਾਂਤ ਸਿਟੀ-1 ਬਠਿੰਡਾ ਦੀ ਰਹਿਣ ਵਾਲੀ ਹਰਨਵਦੀਪ ਕੌਰ ਜਦੋਂ ਸ਼ੂਟਿੰਗ ਵਿੱਚ ਪਹਿਲਾ ਸਥਾਨ ਹਾਸਲ ਕਰਕੇ ਕਲੋਨੀ ਦੇ ਗੇਟ ’ਤੇ ਪੁੱਜੀ ਤਾਂ ਸੁਸ਼ਾਂਤ ਸਿਟੀ ਰੈਜ਼ੀਡੈਂਟ ਵੈਲਫੇਅਰ ਦੇ ਮੁਖੀ ਰਾਜਦੀਪ ਸਿੰਘ ਕਾਲਾ ਅਤੇ ਸੁਖਪਾਲ ਸ਼ਰਮਾ ਦੀ ਅਗਵਾਈ ਵਿੱਚ ਉਸ ਦਾ ਨਿੱਘਾ ਸਵਾਗਤ ਕੀਤਾ ਗਿਆ। ਹਰਨਵਦੀਪ ‘ਤੇ ਫੁੱਲਾਂ ਦੀ ਵਰਖਾ ਕੀਤੀ ਗਈ ਅਤੇ ਨਾਲ ਹੀ ਫੁੱਲਾਂ ਦੇ ਹਾਰ ਪਾ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ।
