ਮੁੰਬਈ: ਫਿਲਮ ਨਿਰਦੇਸ਼ਕ ਤੇ ਨਿਰਮਾਤਾ ਸਤੀਸ਼ ਕੌਸ਼ਿਕ ਨੇ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਵਿੱਚ ਅਦਾਕਾਰ ਅਨਿਲ ਕਪੂਰ ਦੀਆਂ ਤਾਰੀਫਾਂ ਦੇ ਪੁਲ ਬੰਨ੍ਹੇ। ਫਿਲਮ ‘ਥਾਰ’ ਦੀ ਸਾਰੀ ਟੀਮ ਪ੍ਰਮੋਸ਼ਨ ਲਈ ਸ਼ੋਅ ਵਿੱਚ ਆ ਰਹੀ ਹੈ। ਇਸ ਸ਼ੋਅ ਵਿੱਚ ਇਸ ਵਾਰ ਅਨਿਲ ਕਪੂਰ, ਸਤੀਸ਼ ਕੌਸ਼ਿਕ, ਮੁਕਤੀ ਮੋਹਨ ਅਤੇ ਨਿਰਦੇਸ਼ਕ ਰਾਜ ਸਿੰਘ ਚੌਧਰੀ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਨਜ਼ਰ ਆਉਣਗੇ। ਸ਼ੋਅ ਦੌਰਾਨ ਕਪਿਲ ਨਾਲ ਗੱਲਬਾਤ ਦੌਰਾਨ ਕੌਸ਼ਿਕ ਨੇ ਅਨਿਲ ਕਪੂਰ ਨੂੰ ਆਪਣਾ ‘ਪ੍ਰੇਰਨਾਦਾਇਕ ਦੋਸਤ’ ਦੱਸਿਆ। ਉਸ ਨੇ ਕਿਹਾ, ‘‘ਅਨਿਲ ਕਾਫੀ ਪ੍ਰੇਰਨਾਦਾਇਕ ਦੋਸਤ ਹੈ ਅਤੇ ਮੇਰੀ ਜ਼ਿੰਦਗੀ ਤੇ ਕਰੀਅਰ ਵਿੱਚ ਉਸ ਦਾ ਮਹੱਤਵਪੂਰਨ ਯੋਗਦਾਨ ਹੈ। ‘ਵੋਹ ਸਾਤ ਦਿਨ’ ਸਾਡੀ ਦੋਹਾਂ ਦੀ ਪਹਿਲੀ ਫਿਲਮ ਸੀ। ਇਸ ਵਿੱਚ ਵਿੱਚ ਮੇਰੇ ਸਿਰਫ ਦੋ ਡਾਇਲਾਗ ਸਨ ਪਰ ਕਿਹਾ ਜਾ ਸਕਦਾ ਹੈ ਕਿ ਉਹ ਦੋ ਡਾਇਲਾਗ ਮੇਰੀ ਜ਼ਿੰਦਗੀ ਦੇ ਸਭ ਤੋਂ ਵੱਡੇ ਡਾਇਲਾਗ ਬਣੇ ਜਿਨ੍ਹਾਂ ਕਰ ਕੇ ਹੁਣ ਅਸੀਂ ਪਰਿਵਾਰ ਨਾਲੋਂ ਵੀ ਵਧ ਕੇ ਹਾਂ। ਇਸ ਵਾਸਤੇ, ਅਨਿਲ ਕਪੂਰ ਪ੍ਰੇਰਨਾਦਾਇਕ ਦੋਸਤ ਹੈ।’’ ਜ਼ਿਕਰਯੋਗ ਹੈ ਕਿ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ’ਤੇ ਪ੍ਰਸਾਰਿਤ ਹੁੰਦਾ ਹੈ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
