ਸ਼ਾਹਕੋਟ: ਪਿੰਡ ਕੰਨੀਆਂ ਕਲਾਂ ਦੀ ਪੰਚਾਇਤ ਅਤੇ ਸਕੂਲ ਮੈਨੇਜਮੈਂਟ ਕਮੇਟੀ ਨੇ ਸੰਯੁਕਤ ਰੂਪ ’ਚ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਅਧਿਆਪਕਾਂ ਦਾ ਵਿਸ਼ੇਸ਼ ਸਨਮਾਨ ਕਰਨ ਲਈ ਸਕੂਲ ’ਚ ਸਮਾਗਮ ਕਰਵਾਇਆ। ਸਰਪੰਚ ਰਾਜਿੰਦਰ ਸਿੰਘ ਸ਼ੇਰਾ ਅਤੇ ਸੇਵਾ ਮੁਕਤ ਪੁਲੀਸ ਇੰਸਪੈਕਟਰ ਹਰਭਜਨ ਸਿੰਘ ਨੇ ਕਿਹਾ ਕਿ ਅਧਿਆਪਕਾਂ ਦੀ ਲਗਨ, ਮਿਹਨਤ ਅਤੇ ਸਖ਼ਤ ਘਾਲਣਾ ਨੂੰ ਦੇਖਦੇ ਹੋਏ ਹੀ ਉਹ ਐੱਚਟੀ ਮੀਨਾ ਕੁਮਾਰੀ, ਅਧਿਆਪਕ ਇੰਦਰਜੀਤ ਸਿੰਘ ਚੰਦੀ ਅਤੇ ਨੀਰੂ ਸ਼ਰਮਾ ਨੂੰ ਸਨਮਾਨਿਤ ਕਰ ਰਹੇ ਹਨ। ਇਸ ਮੌਕੇ ਸੂਬੇਦਾਰ ਅਮਰਜੀਤ ਸਿੰਘ, ਸੇਵਾ ਮੁਕਤ ਕਲਰਕ ਕੁਲਵੰਤ ਕੌਰ, ਪਰਮਜੀਤ ਕੌਰ, ਮੰਜੂ ਬਾਲਾ, ਮੋਹਨ ਲਾਲ, ਮੰਗਾ, ਰੂਪ ਲਾਲ ਅਤੇ ਪਿੰਡ ਦੀ ਪੰਚਾਇਤ ਤੇ ਸਕੂਲ ਮੈਂਨਜ਼ਮੈਂਟ ਕਮੇਟੀ ਦੇ ਮੈਂਬਰ ਹਾਜ਼ਰ ਸਨ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
