ਹਰਦੀਪ ਸਿੰਘ ਸੋਢੀ
ਧੂਰੀ, 5 ਜਨਵਰੀ
ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਧੂਰੀ ਦੇ ਲੱਡਾ ਟੌਲ ਪਲਾਜ਼ਾ ਕੋਲ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵੱਲੋਂ ਦਰਸ਼ਨ ਸਿੰਘ ਕਿਲ੍ਹਾ ਹਕੀਮਾਂ , ਮਾਲੇਰਕੋਟਲਾ ਦੇ ਬਲਾਕ ਆਗੂ ਚਮਕੌਰ ਸਿੰਘ ਹਥਨ ਦੀ ਅਗਵਾਈ ਵਿੱਚ ਲੱਗਾ ਕਿਸਾਨੀ ਧਰਨਾ ਅੱਜ 97ਵੇਂ ਦਿਨ ਵਿੱਚ ਸ਼ਾਮਿਲ ਹੋ ਗਿਆ। ਇਸ ਵਾਰ ਵੀ ਪੂੰਜੀਪਤੀ ਘਰਾਣਿਆਂ ਤੇ ਕੇਂਦਰ ਸਰਕਾਰ ਵਿਰੁੱਧ ਨਾਅਰੇਬਾਜ਼ੀ ਹੋਈ। ਇਸ ਮੌਕੇ ਉੱਪਰ ਸੁਖਜੀਤ ਸਿੰਘ ਲੱਡਾ, ਗਮਦੂਰ ਸਿੰਘ ਲੱਡਾ, ਸਤਿਨਾਮ ਕੋਰ ਬੇਨੜਾ, ਸਿਮਰਨਪ੍ਰੀਤ ਕੋਰ, ਗੁਰਮੀਤ ਕੌਰ ਕੱਕੜਵਾਲ, ਬਲਜੀਤ ਕੌਰ, ਦਰਸ਼ਨ ਸਿੰਘ ਤੇ ਭਿੰਦਰ ਕੌਰ ਹਾਜ਼ਰ ਸਨ।
Bਸਮਾਲਸਰ(ਗੁਰਜੰਟ ਕਲਸੀ):B ਇਥੇ ਚੰਦ ਪੁਰਾਣਾ ਟੌਲ ਪਲਾਜ਼ੇ ’ਤੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਬਲਾਕ ਬਾਘਾ ਪੁਰਾਣਾ ਦੇ ਜਨਰਲ ਸਕੱਤਰ ਹਰਮੰਦਰ ਸਿੰਘ ਡੇਮਰੂ ਕਲਾਂ ਦੀ ਅਗਵਾਈ ਹੇਠ ਤੇਜ਼ ਬਾਰਿਸ਼ ਅਤੇ ਠੰਢ ਦੇ ਬਾਵਜੂਦ ਧਰਨਾ 97ਵੇਂ ਦਿਨ ਵੀ ਜਾਰੀ ਰਿਹਾ। ਇਸ ਮੌਕੇ ਸੁਰਿੰਦਰ ਸਿੰਘ, ਗੁਰਮੇਲ ਲੰਡੇ, ਸੁਖਦੀਪ ਲੰਡੇ, ਹਰਬੰਸ ਲੰਡੇ ਨੇ ਸੰਬੋਧਨ ਕੀਤਾ।
