ਮੁੰਬਈ, 24 ਦਸੰਬਰ
ਅਦਾਕਾਰਾ ਕੀਰਤੀ ਕੁਲਹਾਰੀ ਛੁੱਟੀਆਂ ਕੱਟਣ ਚੰਡੀਗੜ੍ਹ ਆਈ ਹੋਈ ਸੀ। ਇਸੇ ਦੌਰਾਨ ਉਹ ਅੰਮ੍ਰਿਤਸਰ ਵਿੱਚ ਸ੍ਰੀ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਈ ਤੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ। ਆਪਣੇ ਇੰਸਟਾਗ੍ਰਾਮ ਖਾਤੇ ’ਤੇ ਸ੍ਰੀ ਦਰਬਾਰ ਸਾਹਿਬ ਵਿਖੇ ਖਿੱਚੀਆਂ ਫੋਟੋਆਂ ਸਾਂਝੀਆਂ ਕਰਦਿਆਂ ਕੀਰਤੀ ਨੇ ਲਿਖਿਆ, ‘ਵਾਹਿਗੁਰੂ ਸਭ ਨੂੰ ਮੁਆਫ਼ ਕਰੇ ਅਤੇ ਸਭ ਦਾ ਭਲਾ ਕਰੇ। ਮੈਂ ਇਸੇ ਪ੍ਰਾਰਥਨਾ ਨਾਲ 2020 ਨੂੰ ਅਲਵਿਦਾ ਆਖ ਰਹੀ ਹਾਂ।’ ਉਸ ਨੇ ਫੋਟੋ ਦੇ ਨਾਲ ਹੈਸ਼ਟੈਗ ਗੋਲਡਨ ਟੈਂਪਲ, ਅੰਮ੍ਰਿਤਸਰ ਤੇ ਪੰਜਾਬ ਲਿਖਿਆ ਹੋਇਆ ਹੈ। ਉਸ ਨੇ ਸਭ ਨੂੰ ਆਉਣ ਵਾਲੇ ਸਾਲ 2021 ਦੀ ਵਧਾਈ ਵੀ ਦਿੱਤੀ ਹੈ। ਬੌਲੀਵੁੱਡ ਅਦਾਕਾਰਾ ਯਾਮੀ ਗੌਤਮ ਨੇ ਫੋਟੋ ਦੇ ਹੇਠਾਂ ਕੁਮੈਂਟ ਕਰਦਿਆਂ ਲਾਲ ਰੰਗ ਦਾ ਦਿਲ ਵਾਲਾ ਚਿੰਨ੍ਹ ਭੇਜਿਆ ਹੈ। ਦੱਸਣਯੋਗ ਹੈ ਕਿ ਕੁਲਹਾਰੀ ਦਾ ਸ਼ੋਅ ‘ਕ੍ਰਿਮੀਨਲ ਜਸਟਿਸ: ਬਿਹਾਈਂਡ ਕਲੋਜ਼ਡ ਡੋਰਜ਼’ ਹੁਣ ਦਰਸ਼ਕਾਂ ਲਈ ਤਿਆਰ ਹੈ। ਇਸ ਸੀਰੀਜ਼ ਵਿੱਚ ਉਹ ਅਨੂ ਚੰਦਰਾ ਦਾ ਕਿਰਦਾਰ ਨਿਭਾ ਰਹੀ ਹੈ ਤੇ ਉਹ ਬਿਨਾਂ ਮੇਕਅੱਪ ਤੋਂ ਨਜ਼ਰ ਆਵੇਗੀ। -ਆਈਏਐੱਨਐੱਸ
