ਮੁੰਬਈ, 21 ਦਸੰਬਰ
ਨਿਰਦੇਸ਼ਕ ਪ੍ਰਸ਼ਾਂਤ ਨੀਲ ਨੇ ਸੋਮਵਾਰ ਇਹ ਐਲਾਨ ਕੀਤਾ ਹੈ ਕਿ ਫ਼ਿਲਮ ‘ਕੇਜੀਐੱਫ ਚੈਪਟਰ-2’ ਦਾ ਟੀਜ਼ਰ 8 ਜਨਵਰੀ 2021 ਨੂੰ ਰਿਲੀਜ਼ ਕੀਤਾ ਜਾਵੇਗਾ। ਇਸ ਫ਼ਿਲਮ ਵਿੱਚ ਯਸ਼ ਅਤੇ ਸੰਜੇ ਦੱਤ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਟਵਿੱਟਰ ’ਤੇ ਆਪਣੀ ਪੋਸ਼ਟ ਵਿੱਚ ਪ੍ਰਸ਼ਾਂਤ ਨੇ ਲਿਖਿਆ ਹੈ, ‘ਇਸ ਸਾਮਰਾਜ ’ਤੇ ਨਜ਼ਰ ਮਾਰਦਿਆਂ, ਬੇਸ਼ੱਕ ਇਸ ਵਿੱਚ ਇੱਕ ਸਾਲ ਤੋਂ ਵੱਧ ਦਾ ਸਮਾਂ ਲੱਗਿਆ ਹੈ, ਪਰ ਅਸੀਂ ਹੋਰ ਮਜ਼ਬੂਤ, ਵੱਡੇ ਤੇ ਘਾਤਕ ਬਣ ਕੇ ਆ ਰਹੇ ਹਾਂ। #ਕੇਜੀਐੱਫਚੈਪਟਰ2ਟੀਜ਼ਰ 8 ਜਨਵਰੀ 10.18 ਵਜੇ @ਹੋਮਬੇਲਫਿਲਮਜ਼ ਯੂਟਿਊਬ ’ਤੇ।’
ਪ੍ਰਸ਼ਾਂਤ ਵੱਲੋਂ ਇਸ ਦੇ ਨਾਲ ਹੀ ਫ਼ਿਲਮ ਦਾ ਨਵਾਂ ਪੋਸਟਰ ਵੀ ਸਾਂਝਾ ਕੀਤਾ ਗਿਆ ਹੈ, ਜਿਸ ਵਿੱਚ ਯਸ਼ ਹਨੇਰੇ ਵਿੱਚ ਬੈਠਿਆ ਨਜ਼ਰ ਆ ਰਿਹਾ ਹੈ ਤੇ ਉਸ ਦੇ ਪਿੱਛੇ ਅੱਗ ਬਲਦੀ ਦਿਖਾਈ ਦੇ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਫ਼ਿਲਮ ਕੇਜੀਐੱਫ ਚੈਪਟਰ 2 ਨੂੰ ਕੰਨੜ, ਤਮਿਲ, ਤੇਲਗੂ, ਮੱਲਿਆਲਮ ਤੇ ਹਿੰਦੀ ਭਾਸ਼ਾ ਵਿੱਚ ਰਿਲੀਜ਼ ਕੀਤਾ ਜਾਵੇਗਾ। ਇਸ ਫ਼ਿਲਮ ਵਿੱਚ ਰਵੀਨਾ ਟੰੰਡਨ ਵੀ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। -ਆਈਏਐੱਨਐੱਸ
