ਪੱਤਰ ਪ੍ਰੇਰਕ
ਟੋਹਾਣਾ, 14 ਸਤੰਬਰ
ਇੱਥੇ ਬੀਤੇ ਕਲ੍ਹ ਦੁਪਹਿਰ ਵੇਲੇ ਡਾਕਟਰ ਅਜੈ ਨਾਰੰਗ ਦੀ ਕੋਠੀ ਵਿੱਚੋਂ 12 ਲੱਖ ਰੁਪਏ ਚੋਰੀ ਕਰਨ ਦਾ ਮਾਮਲਾ ਕੋਠੀਆਂ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੇ ਅਧਾਰ ’ਤੇ ਪੁਲੀਸ ਨੇ ਹਲ ਕਰਦੇ ਹੋਏ ਸੜਕ ਕਿਨਾਰੇ ਝੁੱਗੀ ਝੌਪੜੀਆਂ ਵਿੱਚ ਰਹਿੰਦੀਆਂ ਦੋ ਔਰਤਾਂ ਨੂੰ ਚੋਰੀ ਦੀ ਨਕਦੀ ਸਮੇਤ ਗ੍ਰਿਫ਼ਤਾਰ ਕਰਕੇ ਸੁਲਝਾ ਲਿਆ। ਡਾ. ਜੋੜਾ ਜਦੋਂ ਦੁਪਹਿਰ ਵੇਲੇ ਖਾਣਾ ਖਾਣ ਪੁੱਜਿਆ ਤਾਂ ਤਾਲੇ ਟੁੱਟੇ ਹੋਏ ਸਨ ਤੇ ਬੈਡਰੂਮ ਦੀ ਅਲਮਾਰੀ ਤੋੜੀ ਪਈ ਸੀ। ਡਾ. ਅਜੈ ਨਾਰੰਗ ਨੇ ਦੱਸਿਆ ਕਿ ਉਸ ਨੇ ਦੋ ਦਿਨ ਪਹਿਲਾਂ ਪਲਾਟ ਦਾ ਬਿਆਨਾ 12 ਲੱਖ ਰੁਪਇਆ ਲਿਆ ਕੇ ਘਰ ਰੱਖਿਆ ਸੀ। ਪੁਲੀਸ ਨੂੰ ਸ਼ਿਕਾਇਤ ਕਰਨ ’ਤੇ ਮਾਡਲ ਟਾਊਨ ਵਿੱਚ ਪੈਂਦੀ ਡਾਕਟਰ ਦੀ ਕੋਠੀ ਨੇੜੇ ਪੈਦੀਆਂ ਹੋਰ ਕੋਠੀਆਂ ਤੇ ਲੱਗੇ ਸੀਸੀਟੀਵੀ ਕੈਮਰਿਆ ਦੀ ਮਦਦ ਨਾਲ ਪੁਲੀਸ ਨੇ ਚੋਰੀ ਦਾ ਮਾਮਲਾ ਸੁਲਝਾ ਲਿਆ।
