ਮੰਬਈ: ਸੋਨੀ ਐਂਟਰਟੇਨਮੈਂਟ ਚੈਨਲ ’ਤੇ ਚੱਲ ਰਹੇ ਸ਼ੋਅ ‘ਸੁਪਰ ਡਾਂਸਰ-4’ ਵਿੱਚ ਇਸ ਸ਼ਨਿਚਰਵਾਰ ਤੇ ਐਤਵਾਰ ਵਿਸ਼ੇਸ਼ ਮਹਿਮਾਨਾਂ ਨਾਲ ਰੌਣਕ ਲੱਗੇਗੀ। ਸ਼ੋਅ ਵਿੱਚ ਇੱਕ ਦਿਨ ਗਾਇਕ ਹਨੀ ਸਿੰਘ, ਨੇਹਾ ਕੱਕੜ ਅਤੇ ਟੋਨੀ ਕੱਕੜ ਵਿਸ਼ੇਸ਼ ਮਹਿਮਾਨ ਹੋਣਗੇ ਅਤੇ ਦੂਜੇ ਦਿਨ ਅਦਾਕਾਰ ਗੋਵਿੰਦਾ ਤੇ ਚੰਕੀ ਪਾਂਡੇ ਸ਼ਿਰਕਤ ਕਰਨਗੇ। ਜਿਥੇ ਇੱਕ ਐਪੀਸੋਡ ਸੰਗੀਤਕ ਮਾਹੌਲ ਸਿਰਜੇਗਾ, ਉਥੇ ਹੀ ਦੂਸਰੇ ਐਪੀਸੋਡ ਵਿੱਚ ਦਰਸ਼ਕਾਂ ਨੂੰ ਗੋਵਿੰਦਾ ਅਤੇ ਚੰਕੀ ਪਾਂਡੇ ਦੀ ਦੋਸਤੀ ਦੇ ਕਈ ਰੰਗ ਦਿਖਾਈ ਦੇਣਗੇ। ਇੱਕ ਪਾਸੇ ਹਨੀ ਸਿੰਘ ਤੇ ਸ਼ਿਲਪਾ ਸ਼ੈਟੀ ਕੁੰਦਰਾ ਆਪਣੇ ਨ੍ਰਿਤ ਰਾਹੀਂ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ ਤੇ ਦੂਜੇ ਪਾਸੇ ਗੋਵਿੰਦਾ ਤੇ ਚੰਕੀ ਪਾਂਡੇ ਵੀ ਸ਼ਿਲਪਾ ਸ਼ੈੱਟੀ ਤੇ ਗੀਤਾ ਕਪੂਰ ਨਾਲ ‘ਓ ਲਾਲ ਦੁਪੱਟੇ ਵਾਲੀ ਤੇਰਾ ਨਾਮ ਤੋ ਬਤਾ’ ਗੀਤ ’ਤੇ ਨੱਚਦੇ ਦਿਖਾਈ ਦੇਣਗੇ। ਜ਼ਿਕਰਯੋਗ ਹੈ ਕਿ ਇਸ ਹਫ਼ਤੇ ‘ਰੇਸ ਟੂ ਸੂਪਰ 8’ ਤਹਿਤ ਦੋ ਪ੍ਰਤੀਯੋਗੀਆਂ ਨੂੰ ਰਿਵੀਜ਼ਨ ਲਈ ਵਾਪਸ ਭੇਜ ਦਿੱਤਾ ਜਾਵੇਗਾ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
