ਪੱਤਰ ਪ੍ਰੇਰਕ
ਟੋਹਾਣਾ, 8 ਸਤੰਬਰ
ਇੱਥੇ ਪੁਲੀਸ ਦੀ ਨਸ਼ਾ ਵਿਰੋਧੀ ਟੀਮ ਨੇ ਗਾਂਜੇ ਦੀ ਤਸਕਰੀ ਕਰਦੇ ਹੋਏ ਦੋ ਤਸਕਰਾਂ ਨੂੰ ਕਾਬੂ ਕਰ ਕੇ ਉਨ੍ਹਾਂ ਪਾਸੋਂ ਗਾਂਜੇ ਦੇ ਭਰੇ ਅੱਠ ਥੈਲੇ ਬਰਾਮਦ ਕੀਤੇ ਹਨ ਜਿਨ੍ਹਾਂ ਵਿੱਚ 210 ਕਿੱਲੋ ਗਾਂਜਾ ਭਰਿਆ ਹੋਇਆ ਸੀ।
ਡੀਐੱਸਪੀ ਸ਼ੁਕਰਪਾਲ ਸਿੰਘ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਵੱਲੋਂ ਕਣਕ ਖਰੀਦ ਕੇਂਦਰ ਵਿੱਚ ਖੜ੍ਹੇ ਟਰੱਕ ਤੇ ਕਾਰ ਦੀ ਜਾਂਚ ਕੀਤੀ ਗਈ। ਇਸ ਦੌਰਾਨ ਟਰੱਕ ਵਿੱਚੋਂ ਛੇ ਤੇ ਕਾਰ ਵਿੱਚੋਂ ਦੋ ਥੈਲੇ ਮਿਲੇ ਜਿਨ੍ਹਾਂ ਵਿੱਚੋਂ 210 ਕਿੱਲ ਗਾਂਜਾ ਬਰਾਮਦ ਕੀਤਾ ਗਿਆ। ਪੁਲੀਸ ਵੱਲੋ ਮੌਕੇ ’ਤੇ ਕਾਬੂ ਕੀਤੇ ਗਏ ਮੁਲਜ਼ਮਾਂ ਦੀ ਸ਼ਨਾਖ਼ਤ ਸੁਰੇਸ਼ ਕੁਮਾਰ ਵਾਸੀ ਭੋਡੀਆਂ ਖੇੜਾ ਤੇ ਸਚਿਨ ਉਰਫ਼ ਸ਼ੀਸ਼ਨ ਦੇ ਤੌਰ ’ਤੇ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਬੰਦ ਟਰੱਕ ਵਿੱਚ ਉੜੀਸਾ ਤੋਂ 210 ਕਿੱਲੋ ਗਾਂਜਾ ਲੈ ਕੇ ਆਏ ਸਨ ਅਤੇ ਇਹ ਰਤੀਆ ਇਲਾਕੇ ਵਿੱਚ ਸਪਲਾਈ ਕੀਤਾ ਜਾਣਾ ਸੀ। ਇਸ ਤੋਂ ਪਹਿਲਾ ਹੀ ਪੁਲੀਸ ਨੇ ਛਾਪਾ ਮਾਰ ਕੇ ਮੁਲਜ਼ਮਾਂ ਨੂੰ ਗਾਂਜੇ ਸਮੇਤ ਕਾਬੂ ਕਰ ਲਿਆ। ਉਨ੍ਹਾਂ ਕਿਹਾ ਕਿ ਮੁਲਜ਼ਮਾਂ ਨੂੰ ਅਦਾਲਤ ’ਚ ਪੇਸ਼ ਕਰ ਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ।
