ਸ੍ਰੀਨਗਰ: ਜੰਮੂ ਕਸ਼ਮੀਰ ਦੇ ਅਨੰਤਨਾਗ ਜ਼ਿਲ੍ਹੇ ਵਿੱਚ ਅੱਜ ਸੁਰੱਖਿਆ ਬਲਾਂ ਨਾਲ ਹੋਏ ਅਚਾਨਕ ਹੋਏ ਮੁਕਾਬਲੇ ਵਿੱਚ ਅਲਕਾਇਦਾ ਨਾਲ ਸਬੰਧਿਤ ਅੰਸਾਰ ਗ਼ਜ਼ਵਾਤੁਲ ਹਿੰਦ ਜਥੇਬੰਦੀ ਦੇ ਦੋ ਅਤਿਵਾਦੀ ਮਾਰੇ ਗਏ। ਪੁਲੀਸ ਨੇ ਦੱਸਿਆ ਕਿ ਇਨ੍ਹਾਂ ਅਤਿਵਾਦੀਆਂ ਦੀ ਪਛਾਣ ਫਯਾਦ ਕੁਮਾਰ ਅਤੇ ਓਵਾਇਸੀ ਖ਼ਾਨ ਵਜੋਂ ਹੋਈ ਹੈ। ਇਨ੍ਹਾਂ ਦੀ ਕਈ ਅਤਿਵਾਦੀ ਹਮਲਿਆਂ ਵਿੱਚ ਸ਼ਮੂਲੀਅਤ ਰਹੀ ਹੈ। ਪੁਲੀਸ ਨੇ ਟਵੀਟ ਵਿੱਚ ਕਿਹਾ, ‘‘ਅਨੰਤਨਾਗ ਵਿੱਚ ਬਿਜਬੇਹੜਾ ਖੇਤਰ ਦੇ ਥਾਜੀਵਾੜਾ ’ਚ ਪੁਲੀਸ ਨਾਲ ਹੋਏ ਸਬੱਬੀਂ ਮੁਕਾਬਲੇ ਵਿੱਚ ਦੋ ਅਤਿਵਾਦੀ ਮਾਰੇ ਗਏ।’’ ਕਸ਼ਮੀਰ ਦੇ ਏਡੀਜੀਪੀ ਵਿਜੈ ਕੁਮਾਰ ਨੇ ਦੱਸਿਆ ਕਿ ਅਤਿਵਾਦੀ ਅੰਸਾਰ ਗ਼ਜ਼ਵਾਤੁਲ ਹਿੰਦ ਨਾਲ ਜੁੜੇ ਹੋਏ ਸਨ। -ਪੀਟੀਆਈ
ਸਬੰਧਿਤ ਖ਼ਬਰਾਂ
