ਨਿੱਜੀ ਪੱਤਰ ਪ੍ਰੇਰਕ
ਮੋਗਾ, 11 ਜੂਨ
ਇਥੇ ਗਰੀਨ ਟਿੰਬਰਜ਼ ਰਾਈਡਿੰਗਜ਼ ਪ੍ਰਧਾਨ, ਬੀਸੀ ਕੈਨੇਡਾ ਲਬਿਰਲ ਪਾਰਟੀ ਆਗੂ ਸੁਰਿੰਦਰਪਾਲ ਸਿੰਘ ਮਾਹਲ ਨੇ ਮਾਲ ਵਿਭਾਗ ਕੰਮਕਾਰਾਂ ਦਾ ਸੰਗ੍ਰਹਿ ਜਾਰੀ ਕੀਤਾ ਹੈ।
ਇਸ ਮੌਕੇ ਪਰਵਾਸੀ ਪੰਜਾਬੀ ਸੁਰਿੰਦਰਪਾਲ ਸਿੰਘ ਮਾਹਲ ਨੇ ਕਿਹਾ ਕਿ ਪੰਜਾਬ ਰੈਵੇਨਿਊ ਆਫੀਸਰਜ਼ ਐਸੋਸੀਏਸ਼ਨ ਪ੍ਰਧਾਨ ਤੇ ਇੱਥੇ ਜ਼ਿਲ੍ਹਾ ਮਾਲ ਅਫਸਰ ਗੁਰਦੇਵ ਸਿੰਘ ਧੰਮ ਦੀ ਹਿੰਮਤ ਸਦਕਾ ਮਾਲ ਵਿਭਾਗ ਵੱਲੋਂ ਸਮੇਂ ਸਮੇਂ ਉੱਤੇ ਜਾਰੀ ਕੀਤੀਆਂ ਜਾਂਦੀਆਂ ਹਦਾਇਤਾਂ, ਨੋਟੀਫਿਕੇਸ਼ਨ ਅਤੇ ਹੋਰ ਜ਼ਰੂਰੀ ਚਿੱਠੀਆਂ ਦਾ ਪ੍ਰਕਾਸ਼ਿਤ ਇਹ ਸੰਗ੍ਰਹਿ ਸੰਕਲਿਤ ਮਾਲ ਅਫਸਰਾਂ ਨੂੰ ਵਿਭਾਗੀ ਕੰਮਾਂ ਕਾਨੂੰਨ, ਨਿਯਮਾਂ ਲਈ ਲਾਹੇਵੰਦ-ਸਾਬਤ ਹੋਵੇਗਾ।
ਇਸ ਮੌਕੇ ਪੰਜਾਬ ਰੈਵੇਨਿਊ ਆਫੀਸਰਜ਼ ਐਸੋਸੀਏਸ਼ਨ ਪ੍ਰਧਾਨ ਤੇ ਸਥਾਨਕ ਜ਼ਿਲ੍ਹਾ ਮਾਲ ਅਫਸਰ ਗੁਰਦੇਵ ਸਿੰਘ ਧੰਮ ਨੇ ਇਸ ਵੱਡਮੁੱਲੇ ਕਾਰਜ ਵਿੱਚ ਮਾਲ ਮੰਤਰੀ ਗੁਰਪ੍ਰੀਤ ਸਿੰਘ ਕਾਂਗੜ, ਮੁੱਖ ਸਕੱਤਰ ਵਿੰਨੀ ਮਹਾਜਨ, ਵਿੱਤ ਕਮਿਸ਼ਨਰ ਮਾਲ ਵਿਸਵਾਜੀਤ ਖੰਨਾ ਦੇ ਸਹਿਯੋਗ ਦਾ ਧੰਨਵਾਦ ਕੀਤਾ।
