ਬੋਕਾਰੋ (ਝਾਰਖੰਡ), 9 ਸਤੰਬਰ
ਬੋਕਾਰੋ ਜ਼ਿਲ੍ਹੇ ਵਿੱਚ ਕੇਂਦਰੀ ਸਨਅਤ ਸੁਰੱਖਿਆ ਬਲ (ਸੈਂਟਰਲ ਇੰਡੀਸਟੀਅਲ ਸਕਿਉਰਿਟੀ ਫੋਰਸ) ਦਾ ਜਵਾਨ ਆਪਣੇ ਰਿਹਾਇਸ਼ੀ ਕੁਆਰਟਰ ਵਿੱਚ ਪਾਣੀ ਵਾਲੀ ਪਾਈਪ ਨਾਲ ਲਟਕਦਾ ਮਿਲਿਆ। ਪੁਲੀਸ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਪੁਲੀਸ ਨੇ ਦੱਸਿਆ ਕਿ ਜਵਾਨ ਦੀ ਪਛਾਣ ਰਣਵੀਰ ਕੁਮਾਰ ਸਿੰਘ ਵਜੋਂ ਹੋਈ ਹੈ ਜੋ ਦੁਗਦਾ ਕੋਲ ਵਾਸ਼ੇਰੀ ਪਲਾਂਟ ਵਿੱਚ ਤਾਇਨਾਤ ਸੀ। ਪਰਿਵਾਰਕ ਮੈਂਬਰ ਨੇ ਉਸ ਨੂੰ ਬੁੱਧਵਾਰ ਨੂੰ ਜਲ ਸਪਲਾਈ ਪਾਈਪ ਨਾਲ ਲਟਕਦਿਆਂ ਦੇਖਿਆ। ਇਸ ’ਤੇ ਉਹ ਉਸ ਨੂੰ ਚੰਦਰਪੁਰਾ ਵਿੱਚ ਡੀਵੀਸੀ ਹਸਪਤਾਲ ਲੈ ਗਏ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸਿੰਘ ਦੀ ਮਾਤਾ ਦਾ ਵੀ ਮਹੀਨਾ ਕੁ ਪਹਿਲਾਂ ਦੇਹਾਂਤ ਹੋ ਗਿਆ ਸੀ।-ਪੀਟੀਆਈ
