ਸੰਦੌੜ: ਪਿੰਡ ਕੁਠਾਲਾ ਵਾਸੀ ਪਰਵਾਸੀ ਪੰਜਾਬੀ ਮਨਦੀਪ ਸਿੰਘ ਕੈਨੇਡਾ ਵੱਲੋਂ ਆਪਣੇ ਪਿਤਾ ਸਵ. ਮਾਸਟਰ ਮੱਘਰ ਸਿੰਘ ਦੀ ਯਾਦ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੁਠਾਲਾ ਵਿੱਚ ਪਾਣੀ ਵਾਲੀ ਮੋਟਰ ਦਾਨ ਕੀਤੀ ਗਈ ਹੈ। ਪ੍ਰਿੰਸੀਪਲ ਰਾਜਿੰਦਰ ਕੁਮਾਰ ਨੇ ਸਮਾਜਸੇਵੀ ਪਰਿਵਾਰ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇਸ ਮੋਟਰ ਨੂੰ ਲਗਵਾਉਣ ’ਤੇ ਕਰੀਬ 75 ਹਜ਼ਾਰ ਰੁਪਏ ਖਰਚ ਆਏ ਹਨ। ਸਮਾਜਸੇਵੀ ਪਰਿਵਾਰ ਨੇ ਕਿਹਾ ਕਿ ਭਵਿੱਖ ’ਚ ਵੀ ਉਹ ਸਕੂਲ ਦੀ ਹਰ ਪੱਖੋਂ ਮਦਦ ਕਰਨਗੇ। ਇਸ ਮੌਕੇ ਪਿੰਡ ਦੇ ਸਰਪੰਚ ਗੁਰਲਵਲੀਨ ਸਿੰਘ ਲਵਲੀ, ਕਲੱਬ ਪ੍ਰਧਾਨ ਬਲਵੀਰ ਸਿੰਘ ਸੰਧੂ, ਲੈਕਚਰਾਰ ਮਲਕੀਤ ਸਿੰਘ, ਗੁਲਾਮ ਕਾਦਰ, ਇਕਬਾਲ ਸਿੰਘ, ਸੰਤੋਖ ਸਿੰਘ, ਅਤੁਲ ਸ਼ਰਮਾ, ਗੁਲਾਮ ਮੁਹੰਮਦ, ਜਸਪ੍ਰੀਤ ਸਿੰਘ ਸਮੇਤ ਸਟਾਫ ਮੈਂਬਰ ਹਾਜ਼ਰ ਸਨ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
