ਪੱਤਰ ਪ੍ਰੇਰਕ
ਲਾਲੜੂ, 13 ਜੂਨ
ਲਾਲੜੂ-ਹੰਡੇਸਰਾ ਸੜਕ ’ਤੇ ਸਥਿਤ ਬੱਲੋਪੁਰ ਚੌਕ ਨੇੜੇ ਨਵੀਂ ਮਾਰਕੀਟ ਵਿੱਚ ਰਾਠੌਰ ਟਾਇਰ ਨਾਮਕ ਦੁਕਾਨ ਦਾ ਸ਼ਟਰ ਪੁੱਟ ਕੇ ਚੋਰਾਂ ਨੇ 7 ਲੱਖ ਰੁਪਏ ਦੇ 250 ਟਾਇਰ ਅਤੇ 150 ਟਿਉੂਬਾਂ ਚੋਰੀ ਕਰ ਲਈਆਂ। ਉਕਤ ਦੁਕਾਨ ਦੇ ਮਾਲਕ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਨੂੰ ਉਹ ਦੁਕਾਨ ਬੰਦ ਕਰਕੇ ਗਿਆ ਸੀ ਸਵੇਰੇ ਸੂਚਨਾ ਮਿਲਣ ’ਤੇ ਉਸ ਨੇ ਦੇਖਿਆ ਕਿ ਦੁਕਾਨ ਦਾ ਸ਼ਟਰ ਟੁੱਟਿਆ ਪਿਆ ਸੀ ਅਤੇ ਦੁਕਾਨ ਵਿਚ ਵੱਖ-ਵੱਖ ਕੰਪਨੀਆਂ ਦੇ 250 ਟਾਇਰ ਅਤੇ 150 ਟਿਉੂਬਾਂ ਗਾਇਬ ਸਨ ਜਿਸ ਦੀ ਸੂਚਨਾ ਪੁਲੀਸ ਨੁੂੰ ਦਿੱਤੀ ਗਈ ਹੈ। ਮੌਕੇ ’ਤੇ ਪੁੱਜੀ ਪੁਲੀਸ ਨੇ ਮਾਮਲੇ ਦੀ ਛਾਣਬੀਣ ਸ਼ੁਰੂ ਕਰ ਦਿੱਤੀ ਹੈ। ਆਸ ਪਾਸ ਦੇ ਇਲਾਕੇ ’ਚ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਨੂੰ ਘੋਖਿਆ ਜਾ ਰਿਹਾ ਹੈ।
