ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 7 ਨਵੰਬਰ
ਇਥੇ ਲਹਿਰਾਗਾਗਾ-ਪਾਤੜਾਂ ਮੁੱਖ ਸੜਕ ’ਤੇ ਪਿੰਡ ਖੰਡੇਬਾਦ ਵਿਖੇ ਡੀਜੇ ਸਾਊਂਡ ਸਿਸਟਮ ਵਾਲਿਆਂ ਦੀ ਟਾਟਾ ਏਸ ਪਲਟਣ ਨਾਲ 17 ਸਾਲਾ ਨਾਬਾਲਗ ਲੜਕੇ ਦੀ ਮੌਤ ਹੋ ਗਈ ਤੇ ਤਿੰਨ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਏ। ਕੋਟੜਾ ਲਹਿਲ ਵਿਖੇ ਵਿਆਹ ਵਿੱਚ ਸਮਾਣੇ ਤੋਂ ਡੀਜੇ ਸਾਊਂਡ ਪਾਰਟੀ ਵਿਆਹ ਵਿੱਚ ਆਈ ਸੀ, ਜਦੋਂ ਦੇਰ ਸ਼ਾਮ ਨੂੰ ਵਾਪਸ ਸਮਾਣੇ ਜਾਣ ਲੱਗੇ ਤਾਂ ਖੰਡੇਬਾਦ ਕੋਲੋਂ ਉਨ੍ਹਾਂ ਦੀ ਟਾ ਗੱਡੀ ਪੀਬੀ 11ਏਐੱਫ9564 ਪਲਟ ਗਈ। ਇਸ ਕਾਰਨ ਚਾਰ ਨਾਬਾਲਗ ਲੜਕੇ ਸੌਰਵ ਕੁਮਾਰ, ਹਰਪ੍ਰੀਤ ਸਿੰਘ, ਹਰਮਨ ਸਿੰਘ ਅਤੇ ਲਵਪ੍ਰੀਤ ਸਿੰਘ ਸ਼ਾਮਲ ਹਨ। ਅਤੇ ਇਨ੍ਹਾਂ ਨੂੰ ਸੰਗਰੂਰ ਰੈਫਰ ਕਰ ਦਿੱਤਾ ਗਿਆ। ਜ਼ਖ਼ਮੀਆਂ ਨੂੰ ਐਬੂਲੈਂਸ 108 ਰਾਹੀਂ ਸਿਵਲ ਹਸਪਤਾਲ ਦਾਖਲ ਕਰਵਾਇਆ, ਜਿਥੇ ਜ਼ਖ਼ਮੀਆਂ ਵਿੱਚੋਂ ਲਵਪ੍ਰੀਤ ਸਿੰਘ ਵਾਸੀ ਕਕਰਾਲਾ ਤਹਿਸੀਲ ਸਮਾਣਾ ਨੂੰ ਮ੍ਰਿਤ ਕਰਾਰ ਦਿੱਤਾ। ਬਾਕੀਆਂ ਦਾ ਇਲਾਜ ਸਿਵਲ ਹਸਪਤਾਲ ਸੰਗਰੂਰ ਚ ਇਲਾਜ ਕੀਤਾ ਜਾ ਰਿਹਾ ਹੈ।
