ਪੱਤਰ ਪ੍ਰੇਰਕ
ਪਠਾਨਕੋਟ, 12 ਜੁਲਾਈ
ਅੱਜ ਹਲਕਾ ਇੰਚਾਰਜ ਠਾਕੁਰ ਅਮਿਤ ਸਿੰਘ ਮੰਟੂ ਨੇ ਸੁਜਾਨਪੁਰ ਹਲਕੇ ਦੇ ਪਿੰਡ ਨਾਰਾਇਣਪੁਰ, ਮੰਗਨੇਤ ਦਾ ਦੌਰਾ ਕੀਤਾ। ਇਸ ਮੌਕੇ ਸਰਪੰਚ ਰਕਸ਼ਾ ਦੇਵੀ ਅਤੇ ਸਰਪੰਚ ਰੋਸ਼ਨ ਸ਼ਰਮਾ ਨੇ ਅਮਿਤ ਸਿੰਘ ਮੰਟੂ ਨੂੰ ਮੌਕਾ ਦਿਖਾਇਆ, ਜਿੱਥੇ ਬੀਤੇ ਦਿਨ ਭਾਰੀ ਬਾਰਸ਼ ਕਾਰਨ ਲਿੰਕ ਰੋਡ ਰੁੜ੍ਹ ਗਏ। ਸਰਪੰਚਾਂ ਦਾ ਕਹਿਣਾ ਸੀ ਕਿ ਲਿੰਕ ਰੋਡ ਰੁੜ੍ਹਨ ਨਾਲ ਲੋਕਾਂ ਅਤੇ ਸਕੂਲੀ ਬੱਚਿਆਂ ਨੂੰ ਬਹੁਤ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਠਾਕੁਰ ਅਮਿਤ ਸਿੰਘ ਮੰਟੂ ਨੇ ਮੰਡੀ ਬੋਰਡ ਵਿਭਾਗ ਦੇ ਅਧਿਕਾਰੀਆਂ ਨੂੰ ਫੋਨ ਕਰ ਕੇ ਇਨ੍ਹਾਂ ਲਿੰਕ ਰੋਡਾਂ ਨੂੰ ਫੌਰੀ ਆਰਜ਼ੀ ਤੌਰ ’ਤੇ ਠੀਕ ਕਰਨ ਨੂੰ ਕਿਹਾ ਤਾਂ ਜੋ ਲੋਕਾਂ ਨੂੰ ਰਾਹਤ ਮਿਲ ਸਕੇ।
ਇਸ ਮੌਕੇ ਮਹਿੰਦਰ ਸਿੰਘ, ਬਲਜੀਤ ਸਿੰਘ, ਮਾਨ ਸਿੰਘ, ਰੋਹਿਤ ਸ਼ਰਮਾ, ਸਨੀ ਪਠਾਨੀਆ, ਰਾਣਾ ਪਠਾਨੀਆ ਆਦਿ ਵੀ ਹਾਜ਼ਰ ਸਨ।
