ਪੱਤਰ ਪ੍ਰੇਰਕ
ਸਮਰਾਲਾ, 29 ਅਗਸਤ
ਇਥੇ ਬਾਬਾ ਜ਼ੋਰਾਵਰ ਸਿੰਘ ਬਾਬਾ ਫਤਹਿ ਸਿੰਘ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਮੰਜੀ ਸਾਹਿਬ ਕੋਟਾਂ ਸਕੂਲ ਦੀ ਟੀਮ ਨੇ ਅੰਡਰ-19 ਖੋ-ਖੋ (ਲੜਕੀਆਂ) ਖੰਨਾ ਜ਼ੋਨ ਵਿੱਚੋਂ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ। ਇਸੇ ਤਰ੍ਹਾਂ ਅੰਡਰ-14, ਅੰਡਰ -19 ਦੀਆਂ ਟੀਮਾਂ ਵਿੱਚੋਂ 6 ਵਿਦਿਆਰਥਣਾਂ ਦੀ ਚੋਣ ਜ਼ਿਲ੍ਹੇ ਦੀ ਟੀਮ ਲਈ ਹੋਈ ਹੈ। ਜਿਨ੍ਹਾਂ ਵਿੱਚ ਮਹਿਕਪ੍ਰੀਤ ਕੌਰ ਅਤੇ ਗੁਰਵੀਰ ਕੌਰ ਗਿਆਰਵੀਂ ਜਮਾਤ ਅਤੇ ਨਵਨੀਤ ਕੌਰ, ਪ੍ਰਭਲੀਨ ਕੌਰ, ਮਹਿਕਦੀਪ ਕੌਰ, ਪੁਨੀਤ ਸ਼ਰਮਾ ਬਾਰਵ੍ਹੀਂ ਜਮਾਤ ਅਤੇ ਕਮਲਪ੍ਰੀਤ ਕੌਰ ਜਮਾਤ 6ਵੀਂ ਜਮਾਤ ਦੀ ਚੋਣ ਹੋਈ ਹੈ। ਇਸੇ ਤਰ੍ਹਾਂ ਅੰਡਰ -17 ਟੀਮ ਵਿੱਚੋਂ 6 ਵਿਦਿਆਰਥਣਾਂ ਦੀ ਚੋਣ ਨੈਸ਼ਨਲ ਸਟਾਈਲ ਕਬੱਡੀ ਕੈਂਪ ਲਈ ਹੋਈ ਹੈ। ਜਿਨ੍ਹਾਂ ਵਿੱਚ 9ਵੀਂ ਜਮਾਤ ਵਿੱਚੋਂ ਕਮਲਦੀਪ ਕੌਰ ਅਤੇ ਅਰਸ਼ਦੀਪ ਕੌਰ ਸ਼ਾਮਲ ਹਨ ਅਤੇ 10 ਵੀਂ ਜਮਾਤ ਵਿੱਚੋਂ ਸੁਖਮਨਦੀਪ ਕੌਰ, ਰਵਨੂਰ ਕੌਰ ਅਤੇ ਜਸਲੀਨ ਕੌਰ ਦੇ ਨਾਂ ਸ਼ਾਮਲ ਹਨ। ਸਕੂਲ ਪ੍ਰਿੰਸੀਪਲ ਗੁਰਦੀਪ ਸਿੰਘ ਕਾਹਲੋਂ ਨੇ ਸਮੂਹ ਵਿਦਿਆਰਥੀਆਂ ਨੂੰ ਸਪੋਰਟਸਮੈਨਸ਼ਿਪ ਦੀ ਭਾਵਨਾ ਨਾਲ ਖੇਡਣ ਲਈ ਪ੍ਰੇਰਿਆ ਅਤੇ ਅੱਗੇ ਹੋਣ ਵਾਲੀਆਂ ਖੇਡਾਂ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ।
