ਨਵੀਂ ਦਿੱਲੀ: ਸੰਹਿਤਾ ਚਮਾਰਥੀ ਨੇ ਕਸ਼ਿਸ਼ ਭਾਟੀਆ ਅਤੇ ਰਿਸ਼ੀ ਰੈਡੀ ਨੇ ਰਾਘਵ ਜੈਸਿੰਘਾਨੀ ਨੂੰ ਹਰਾ ਕੇ ਅੱਜ ਇੱਥੇ ਫੈਨੇਸਟਾ ਓਪਨ ਕੌਮੀ ਹਾਰਡਕੋਰਟ ਟੈਨਿਸ ਚੈਂਪੀਅਨਸ਼ਿਪ ਦੇ ਦੂਜੇ ਗੇੜ ਵਿੱਚ ਥਾਂ ਬਣਾ ਲਈ ਹੈ। ਸੰਹਿਤਾ ਪਹਿਲਾ ਸੈੱਟ ਆਸਾਨੀ ਨਾਲ ਜਿੱਤਣ ਮਗਰੋਂ ਦੂਜੇ ਸੈੱਟ ਵਿੱਚ ਵੀ 4-1 ਨਾਲ ਅੱਗੇ ਸੀ, ਪਰ ਅਖ਼ੀਰ ਵਿੱਚ ਉਸ ਨੇ ਇਹ ਮੈਚ 6-1, 7-5 ਨਾਲ ਜਿੱਤ ਲਿਆ। ਪੁਰਸ਼ ਸਿੰਗਲਜ਼ ਦੇ ਪਹਿਲੇ ਗੇੜ ਵਿੱਚ ਰੈਡੀ ਨੇ ਜੈਸਿੰਘਾਨੀ ਨੂੰ 6-2, 6-1 ਨਾਲ, ਜਦਕਿ ਪ੍ਰਜਵਲ ਦੇਵ ਨੇ ਲਕਸ਼ੈ ਗੁਪਤਾ ਨੂੰ 6-4, 6-2 ਨਾਲ ਸ਼ਿਕਸਤ ਦਿੱਤੀ। ਇੱਕ ਹੋਰ ਮੈਚ ਵਿੱਚ ਪ੍ਰਿਥਵੀ ਸੇਕਰ ਨੇ ਕੁਣਾਲ ਆਨੰਦ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾਇਆ। ਮਹਿਲਾ ਵਰਗ ਦੇ ਹੋਰ ਮੁਕਾਬਲਿਆਂ ਵਿੱਚ ਨਿਧੀ ਚੁਲਮਾਲਾ ਨੇ ਸਾਈ ਦੇਦੀਪਯਾ ਨੂੰ 6-3, 6-2 ਨਾਲ, ਜਦਕਿ ਰਸ਼ਮਿਕਾ ਭਾਮਿਦਾਪਾਤੀ ਨੇ ਆਯੂਸ਼ੀ ਸਿੰਘ ਨੂੰ 6-1, 6-0 ਨਾਲ ਮਾਤ ਦਿੱਤੀ। -ਪੀਟੀਆਈ
ਸਬੰਧਿਤ ਖ਼ਬਰਾਂ
