ਬਲਾਚੌਰ: ਪਿੰਡ ਗਹੂੰਣ ਵਿੱਚ ਸੀ.ਐੱਚ.ਓ. ਡਾ. ਜਸਵੰਤ ਸਿੰਘ ਦੀ ਅਗਵਾਈ ਹੇਠ ਹੈੱਲਥ ਐਂਡ ਵੈੱਲਨੈੱਸ ਟੀਮ ਮਹਿਤਪੁਰ ਵੱਲੋਂ ਕੋਵਿਡ ਤੋਂ ਬਚਾਅ ਲਈ ਵੈਕਸੀਨੇਸ਼ਨ ਕੈਂਪ ਲਾਇਆ ਗਿਆ। ਡਾ. ਜਸਵੰਤ ਸਿੰਘ, ਮਲਟੀਪਰਪਜ਼ ਹੈੱਲਥ ਵਰਕਰ ਕਮਲਜੀਤ ਕੌਰ ਅਤੇ ਗੁਰਵਿੰਦਰ ਕੌਰ, ਪਿੰਡ ਗਹੂੰਣ ਦੇ ਸਰਪੰਚ ਗੁਰਮੁਖ ਸਿੰਘ ਸਹੋਤਾ, ਜੀ.ਓ.ਜੀ. ਫਤਹਿ ਸਿੰਘ, ਕੈਪਟਨ ਵਿਕਰਮ ਸਿੰਘ ਅਤੇ ਸੂਬੇਦਾਰ ਗੁਰਮੀਤ ਸਿੰਘ, ਨੰਬਰਦਾਰ ਰਾਮ ਕਿਸ਼ਨ, ਮੈਂਬਰ ਪੰਚਾਇਤ ਹਰੀ ਸਿੰਘ ਦੇ ਸਹਿਯੋਗ ਨਾਲ ਲਾਏ ਕੈਂਪ ਵਿੱਚ 45 ਸਾਲ ਤੋਂ ਉੱਪਰ ਉਮਰ ਵਰਗ ਦੇ 55 ਵਿਅਕਤੀਆਂ ਦੇ ਕੋਵੀਸ਼ੀਲਡ ਵੈਕਸੀਨ ਦੇ ਟੀਕੇ ਲਗਾਏ। ਇਸੇ ਤਰ੍ਹਾਂ ਪਿੰਡ ਲੋਹਟਾਂ ਵਿੱਚ ਹੈੱਲਥ ਐਂਡ ਵੈੱਲਨੈੱਸ ਟੀਮ ਕੰਗਣਾ ਬੇਟ ਵੱਲੋਂ ਕੁੱਲ 76 ਵਿਅਕਤੀਆਂ ਦੇ ਵੈਕਸੀਨ ਲਾਈ ਗਈ। ਪਿੰਡ ਗਹੂੰਣ ਦੇ ਸਰਪੰਚ ਗੁਰਮੁਖ ਸਿੰਘ ਸਹੋਤਾ ਅਤੇ ਪਿੰਡ ਲੋਹਟਾਂ ਦੇ ਸੁਰਿੰਦਰ ਸਿੰਘ ਨੇ ਆਏ ਹੋਏ ਟੀਮ ਮੈਂਬਰਾਂ ਦਾ ਧੰਨਵਾਦ ਕੀਤਾ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
