ਪੱਤਰ ਪ੍ਰੇਰਕ
ਭੁੱਚੋ ਮੰਡੀ, 14 ਮਾਰਚ
ਹਲਕਾ ਵਿਧਾਇਕ ਪ੍ਰੀਤਮ ਸਿੰਘ ਕੋਟਭਾਈ ਨੇ ਪਿੰਡ ਦਸਮੇਸ਼ ਨਗਰ ਤੁੰਗਵਾਲੀ ਦੀ ਜਾਤਰੀ ਪੱਤੀ ਵਿੱਚ ਬਣਾਏ ਗਏ ਸ਼ਾਨਦਾਰ ਪਾਰਕ ਦਾ ਉਦਘਾਟਨ ਕੀਤਾ ਅਤੇ ਚੱਲ ਰਹੇ ਵਿਕਾਸ ਕਾਰਜਾਂ ਦਾ ਜਾਇਜ਼ਾ ਲਿਆ। ਉਨ੍ਹਾਂ ਕਿਹਾ ਕਿ ਜਲ ਘਰ ਦਾ ਨਵੀਨੀਕਰਨ ਅਪਰੈਲ ਦੇ ਆਖਰ ਵਿੱਚ ਸ਼ੁਰੂ ਕਰ ਦਿੱਤਾ ਜਾਵੇਗਾ ਅਤੇ ਹੋਰ ਪਿੰਡਾਂ ਨੂੰ ਜਾਂਦੇ ਕੱਚੇ ਰਾਹਾਂ ’ਤੇ ਸੜਕਾਂ ਬਣਾਈਆਂ ਜਾਣਗੀਆਂ। ਦਸਮੇਸ਼ ਨਗਰ ਦੀ ਸਰਪੰਚ ਵੀਰਪਾਲ ਕੌਰ ਨੇ ਕਿਹਾ ਕਿ ਪਾਰਕ ਵਿੱਚ ਸ਼ਾਨਦਾਰ ਪੈਦਲ ਰੈਂਪ, ਝੂਲੇ ਅਤੇ ਸਲਾਈਡਰ ਆਦਿ ਲਗਾਏ ਗਏ ਹਨ। ਇਸ ਮੌਕੇ ਵੀਡੀਪੀਓ ਗਗਨਦੀਪ ਕੌਰ, ਦਰਸ਼ਨ ਮਾਨ, ਸਰਪੰਚ ਵਕੀਲ ਸਿੰਘ, ਸੁਸਾਇਟੀ ਪ੍ਰਧਾਨ ਮੇਜਰ ਮਾਨ, ਤੇਜਾ ਸਿੰਘ, ਨਾਹਰ ਸਿੰਘ, ਬਲਵਿੰਦਰ, ਗੁਰਪ੍ਰੀਤ ਦੇਸ, ਗੋਗੀ ਸ਼ਰਮਾ ਅਤੇ ਕਲੱਬ ਪ੍ਰਧਾਨ ਮਨਪੀਤ ਸਿੰਘ ਹਾਜ਼ਰ ਸਨ।
