ਪੱਤਰ ਪ੍ਰੇਰਕ
ਬਲਾਚੌਰ, 17 ਜੁਲਾਈ
ਇੱਥੋ ਚਾਰ ਕਿਲੋਮੀਟਰ ਦੀ ਦੂਰੀ ਉਪਰ ਸਥਿਤ ਪਿੰਡ ਗਰਲੋ ਬੇਟ ਸਿਹਤ ਵਿਭਾਗ ਦੀ ਟੀਮ ਵਲੋਂ ਅੱਜ ਦੂਸਰਾ ਕੋਵਿਡ-19 ਸਬੰਧੀ ਵੈਕਸੀਨ ਕੈਂਪ ਲਗਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੁਦਾਗਰ ਸਿੰਘ ਬਲਾਕ ਪ੍ਰਧਾਨ ਜੀਓਜੀ ਵਾਸੀ ਪਿੰਡ ਗਰਲੋ ਬੇਟ ਨੇ ਦੱਸਿਆ ਕਿ ਸਿਹਤ ਵਿਭਾਗ ਵੱਲੋਂ ਇਹ ਦੂਸਰਾ ਕੈਂਪ ਸਰਕਾਰੀ ਸਕੂਲ ਵਿੱਚ ਵਿੱਚ ਲਗਾਇਆ ਹੈ ਜਿੱਥੇ ਕਿ 164 ਵਿਅਕਤੀਆ ਨੇ ਟੀਕਾਕਰਨ ਕਰਾਇਆ। ਇਸ ਮੌਕੇ ਉਨ੍ਹਾਂ ਆਖਿਆ ਕਿ ਸਾਨੂੰ ਸਭਨਾ ਨੂੰ ਆਪਣੀ ਅਤੇ ਆਪਣੇ ਪਰਿਵਾਰਾਂ ਦੀ ਸਿਹਤਯਾਬੀ ਲਈ ਕਰੋਨਾ ਵੈਕਸੀਨ ਦੇ ਟੀਕਾ ਕਰਨ ਕਰਾਉਣ ਲਈ ਅੱਗੇ ਆਉਣਾ ਚਾਹੀਦਾ ਹੈ ਜਿਹੜੇ ਕਿ ਸਿਹਤ ਵਿਭਾਗ ਵਲੋਂ ਮੁਫਤ ਲਗਾਏ ਜਾਂਦੇ ਹਨ। ਇਸ ਮੌਕੇ ਸਿਹਤ ਵਿਭਾਗ ਦੀ ਟੀਮ ਵਿੱਚ ਡਾ. ਰਮਨਦੀਪ ਸਿੰਘ, ਜਸਵੀਰ ਕੌਰ ਐੱਲਐੱਚਵੀ, ਸਰਬਜੀਤ ਕੌਰ ਏਐੱਨਐੱਮ, ਮਨਪ੍ਰੀਤ ਕੌਰ ਏਐੱਨਐੱਮ, ਮਨਜੀਤ ਸਿੰਘ ਐੱਮਪੀ, ਆਸ਼ਾ ਵਰਕਰਾਂ ਊਸ਼ਾ ਰਾਣੀ, ਆਸ਼ਾ ਦੇਵੀ, ਪਰਮਜੀਤ ਕੌਰ ਸਮੇਤ ਕੈਪਟਨ ਭਗਤ ਰਾਮ ਜੀਓਜੀ ਆਦਿ ਹਾਜ਼ਰ ਸਨ।
