ਚਰਨਜੀਤ ਸਿੰਘ ਢਿੱਲੋਂ
ਜਗਰਾਉਂ, 11 ਮਾਰਚ
ਨਿਸ਼ਾਨੇਬਾਜ਼ੀ ਦੇ ਸ਼ੌਕੀਨਾਂ ਲਈ ਜਗਰਾਉਂ ਸ਼ਹਿਰ’ਚ ਰਾਈਫਲ ਇਨਡੋਰ ਸ਼ੂਟਿੰਗ ਸੈਂਟਰ ਦਾ ਉਦਘਾਟਨ ਜ਼ਿਲ੍ਹਾ ਰਾਈਫਲ ਐਸੋਸੀਏਸ਼ਨ ਦੇ ਕੌਮੀ ਪੱਧਰ ਦੇ ਆਗੂ ਗੁਰਜੀਤ ਸਿੰਘ ਨੇ ਕੀਤਾ । ਇਸ ਮੌਕੇ ਚੇਅਰਮੈਨ ਮਨਜੀਤ ਸਿੰਘ ਭਰੋਵਾਲ ਵਿਸੇਸ ਮਹਿਮਾਨ ਵੱਜ਼ੋਂ ਹਾਜ਼ਰ ਹੋਏ । ਕੈਲਾਸ਼ ਮਾਰਕੀਟ ਨੇੜੇ ਨਵੀਂ ਦਾਣਾ ਮੰਡੀ ਸੈਂਟਰ ਦੇ ਮੁੱਖ ਪ੍ਰਬੰਧਕ ਦਲਜੀਤ ਸਿੰਘ ਨੇ ਸੈਂਟਰ ਵੱਲੋਂ ਦਿੱਤੀ ਜਾਣ ਵਾਲੀ ਸਿਖਲਾਈ ਬਾਰੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਨਵੇਂ ਖੁੱਲ੍ਹੇ ‘ਹਾਕ ਸ਼ੂਟਿੰਗ ਸਪੋਰਟਸ’ ਸੈਂਟਰ ਵਿੱਚ ਨਿਸ਼ਾਨੇਬਾਜ਼ੀ ਸਿੱਖਣ ਵਾਲੇ ਨੌਜਵਾਨ ਲੜਕੇ ਲੜਕੀਆਂ ਨੂੰ ਏਅਰ ਗੰਨ, ਏਅਰ ਪਿਸਟਲ ਨੂੰ ਚਲਾਉਣ ਅਤੇ ਨਿਸ਼ਾਨਾ ਸਾਧਣ ਦੇ ਗੁਰ ਮਾਹਿਰਾਂ ਵੱਲੋਂ ਸਿਖਾਏ ਜਾਣਗੇ । ਉਨ੍ਹਾਂ ਦਾ ਸੈਂਟਰ ਖੋਲਣ ਦਾ ਮੁੱਖ ਮਕਸਦ ਨੌਜਵਾਨ ਪੀੜ੍ਹੀ ਨੂੰ ਨਿਸ਼ਾਨੇਬਾਜ਼ੀ’ਚ ਕੌਮੀ ਅਤੇ ਵਿਸ਼ਵ ਪੱਧਰੀ ਮੁਕਾਬਲਿਆਂ’ਚ ਭਾਗ ਲੈਣ ਦੇ ਯੋਗ ਬਣਾਉਣਾ ਹੈ ।
