ਮੁੰਬਈ: ਬੌਲੀਵੁੱਡ ਅਦਾਕਾਰਾ ਵਿਦਿਆ ਬਾਲਨ ਦੀ ਫ਼ਿਲਮ ‘ਸ਼ੇਰਨੀ’ ਦਾ ਟਰੇਲਰ ਅੱਜ ਰਿਲੀਜ਼ ਹੋ ਗਿਆ। ਅਦਾਕਾਰਾ ਨੇ ਆਖਿਆ ਕਿ ਇਹ ਫ਼ਿਲਮ ਅਗਾਮੀ 18 ਜੂਨ ਨੂੰ ਰਿਲੀਜ਼ ਹੋਵੇਗੀ ਅਤੇ ਇਸ ਵਿੱਚ ਨਾਜ਼ੁਕ ਮੁੱਦਿਆਂ ਨੂੰ ਬਹੁਤ ਧਿਆਨ ਨਾਲ ਛੋਹਿਆ ਗਿਆ ਹੈ। ਵਿਦਿਆ ਨੇ ਆਖਿਆ,‘‘ਜਦੋਂ ਮੈਂ ਫ਼ਿਲਮ ‘ਸ਼ੇਰਨੀ’ ਦੀ ਕਹਾਣੀ ਸੁਣੀ ਸੀ ਤਾਂ ਇਸ ਨੇ ਮੈਨੂੰ ਮੋਹ ਲਿਆ ਸੀ।’’ ਇਸ ਫ਼ਿਲਮ ਦਾ ਨਿਰਦੇਸ਼ਨ ਅਮਿਤ ਮਸੁਰਕਰ ਨੇ ਕੀਤਾ ਹੈ। ਮਸੁਰਕਰ ਨੇ ਆਖਿਆ,‘‘ਸ਼ੇਰਨੀ ਦੀ ਕਹਾਣੀ ਬਹੁਤ ਗੁੰਝਲਦਾਰ ਹੈ ਜਿਸ ਵਿਚ ਮਾਨਵਜਾਤੀ ਅਤੇ ਜਾਨਵਰਾਂ ਦਰਮਿਆਨ ਗੁੰਝਲਦਾਰ ਮਾਮਲਿਆਂ ’ਤੇ ਝਾਤ ਪੁਆਈ ਗਈ ਹੈ। ਵਿਦਿਆ ਬਾਲਨ ਨੇ ਇਕ ਮੱਧ ਵਰਗੀ ਜੰਗਲਾਤ ਅਫ਼ਸਰ ਦਾ ਕਿਰਦਾਰ ਨਿਭਾਇਆ ਹੈ ਜਿਹੜੀ ਅੜਚਣਾਂ ਤੇ ਦਬਾਅ ਦੇ ਬਾਵਜੂਦ ਆਪਣੀ ਟੀਮ ਨਾਲ ਕੰਮ ਕਰਦੀ ਹੈ ਅਤੇ ਵਾਤਾਵਰਨ ਦੀ ਸੰਭਾਲ ਲਈ ਸਥਾਨਕ ਲੋਕਾਂ ਨੂੰ ਨਾਲ ਲੈ ਕੇ ਚੱਲਦੀ ਹੈ।’’ ਇਸ ਫ਼ਿਲਮ ਨੀਰਜ ਕਬੀ, ਵਿਜੈ ਰਾਜ਼, ਸ਼ਰਾਰਤ ਸਕਸੈਨਾ, ਮੁਕੁਲ ਚੱਢਾ, ਬ੍ਰਿਜੇਂਦਰ ਕਾਲਾ ਅਤੇ ਇਲਾ ਅਰਜੁਨ ਅਹਿਮ ਭੂਮਿਕਾਵਾਂ ਵਿਚ ਨਜ਼ਰ ਆਉਣਗੇ। -ਆਈਏਐੱਨਐੱਸ
ਸਬੰਧਿਤ ਖ਼ਬਰਾਂ
