ਪੱਤਰ ਪ੍ਰੇਰਕ
ਤਪਾ ਮੰਡੀ, 8 ਫਰਵਰੀ
ਦਿੱਲੀ ਕਿਸਾਨ ਮੋਰਚੇ ਵਿੱਚ ਸ਼ਹੀਦ ਹੋਏ ਕਿਸਾਨ ਆਗੂ ਮਿੱਠੂ ਸਿੰਘ ਤਾਜੋਕੇ ਦਾ ਸ਼ਰਧਾਂਜਲੀ ਸਮਾਗਮ ਤਪ ਅਸਥਾਨ ਡੇਰਾ ਬਾਬਾ ਪੰਜਾਬ ਸਿੰਘ ਤਾਜੋ ਵਿੱਚ ਹੋਇਆਾ। ਪਾਠ ਦੇ ਭੋਗ ਮਗਰੋਂ ਸ਼ਹੀਦ ਦੇ ਪੁੱਤਰ ਮੀਤ ਸਿੰਘ ਨੂੰ ਕਿਸਾਨੀ ਬੈਜ ਲਾ ਕੇ ਕਿਸਾਨੀ ਝੰਡਾ ਫੜਾਉਣ ਦੀ ਰਸਮ ਅਦਾ ਕੀਤੀ ਗਈ। ਕਿਸਾਨ ਆਗੂ ਦਰਸ਼ਨ ਸਿੰਘ ਮਹਿਤਾ ਨੇ ਕਿਹਾ ਕਿ ਕਿਸਾਨੀ ਸੰਘਰਸ਼ ਦੌਰਾਨ ਸ਼ਹੀਦ ਹੋਏ ਕਿਸਾਨਾਂ ਦੀ ਯਾਦ ਨੂੰ ਸਮਰਪਿਤ ਇੱਕ ਸਮਾਰਕ ਬਣਾਇਆ ਜਾਵੇਗਾ। ਕਿਸਾਨ ਆਗੂ ਭੋਲਾ ਸਿੰਘ ਛੰਨਾਂ, ਜਗਸੀਰ ਸਿੰਘ ਭੁੱਲਰ ਅਤੇ ਬਾਬਾ ਬੂਟਾ ਸਿੰਘ ਤਾਜੋਕੇ ਵੱਲੋਂ ਵੀ ਸ਼ਰਧਾਂਜਲੀ ਭੇਟ ਕੀਤੀ ਗਈ।
ਇਸ ਮੌਕੇ ਲਖਵੀਰ ਸਿੰਘ, ਕੁਲਵੰਤ ਸਿੰਘ, ਗੁਰਤੇਜ ਸਿੰਘ ਤਾਜੋ, ਕਰਮਜੀਤ ਸਿੰਘ ਪੋਹਲਾ ਅਤੇ ਸੁਖਦਰਸ਼ਨ ਸਿੰਘ ਹਾਜ਼ਰ ਸਨ।
