ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 19 ਜਨਵਰੀ
ਥਾਣਾ ਡਿਵੀਜ਼ਨ ਨੰਬਰ ਤਿੰਨ ਦੇ ਥਾਣੇਦਾਰ ਮੋਹਨ ਸਿੰਘ ਦੀ ਅਗਵਾਈ ਹੇਠਲੀ ਪੁਲੀਸ ਨੇ ਢੋਕਾਂ ਮੁਹੱਲਾ ਵਾਸੀ ਸੰਨੀ ਸਿੰਘ ਨੂੰ ਬਾਬਾ ਥਾਨ ਸਿੰਘ ਚੌਕ ਸਥਿਤ ਆਪਣੀ ਦੁਕਾਨ ਦੇ ਬਾਹਰ ਸੱਟਾ ਲਗਾਉਂਦੇ ਕਾਬੂ ਕਰਕੇ 1280 ਰੁਪਏ ਦੀ ਨਗਦੀ ਬਰਾਮਦ ਕੀਤੀ ਹੈ। ਥਾਣਾ ਦੁੱਗਰੀ ਦੀ ਪੁਲੀਸ ਨੇ ਨਿਰਭੈ ਸਿੰਘ ਦੀ ਅਗਵਾਈ ਹੇਠ ਗੁਰਦੀਪ ਸਿੰਘ ਵਾਸੀ ਐੱਲਆਈਜੀ ਫਲੈਟ ਦੁੱਗਰੀ ਅਤੇ ਬਿੱਟੂ ਵਾਸੀ ਸਿਟੀ ਐਨਕਲੇਵ ਮਹਿਮੂਦਪੁਰਾ ਨੂੰ ਇੱਟਾਂ ਵਾਲਾ ਰੋਡ ਦੁੱਗਰੀ ਨੇੜੇ ਕਾਬੂ ਕਰ ਕੇ 7500 ਰੁਪਏ ਬਰਾਮਦ ਕੀਤੇ ਹਨ। ਇਸੇ ਤਰ੍ਹਾਂ ਥਾਣਾ ਟਿੱਬਾ ਦੀ ਪੁਲੀਸ ਨੇ ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਮਨੂ ਹੰਸ ਵਾਸੀ ਹੀਰਾ ਵਿਹਾਰ ਕਲੋਨੀ ਨੂੰ ਸੁਤੰਤਰ ਨਗਰ ਨੇੜਿਓਂ ਕਾਬੂ ਕਰ ਕੇ 1740 ਰੁਪਏ ਬਰਾਮਦ ਕੀਤੇ ਹਨ। ਪੁਲੀਸ ਮੁਲਜ਼ਮਾਂ ਤੋਂ ਹੋਰ ਪੁੱਛਗਿੱਛ ਕੀਤੀ ਹੈ।
