ਪੱਤਰ ਪ੍ਰੇਰਕ
ਸਮਰਾਲਾ, 23 ਅਕਤੂਬਰ
ਸਿੱਖਿਆ ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਬਲਾਕ ਪੱਧਰੀ ਪ੍ਰਾਇਮਰੀ ਸਕੂਲਾਂ ਦੀਆਂ ਖੇਡਾਂ ਸਰਕਾਰੀ ਪ੍ਰਾਇਮਰੀ ਸਕੂਲ ਕੋਟਾਲਾ ਵਿਖੇ ਕਰਵਾਈਆਂ ਗਈਆਂ। ਇਨ੍ਹਾਂ ਖੇਡਾਂ ਵਿੱਚ ਸਰਕਾਰੀ ਪ੍ਰਾਇਮਰੀ ਸਕੂਲ ਸ਼ਾਮਗੜ੍ਹ ਦੇ ਖਿਡਾਰੀਆਂ ਨੇ ਮੋਹਰੀ ਪੁਜ਼ੀਸ਼ਨਾਂ ਹਾਸਲ ਕੀਤੀਆਂ। ਪ੍ਰਾਇਮਰੀ ਸਕੂਲ ਸ਼ਾਮਗੜ੍ਹ ਦੇ ਖੇਡ ਨਤੀਜਿਆਂ ਬਾਰੇ ਗੁਰਸ਼ਰਨ ਸਿੰਘ ਨੇ ਦੱਸਿਆ ਕਿ ਕਬੱਡੀ ਨੈਸ਼ਨਲ ਸਟਾਈਲ (ਲੜਕੀਆਂ) ਪਹਿਲਾ ਸਥਾਨ, ਕੁਸ਼ਤੀ 28 ਕਿਲੋ ਜੈ ਕਿਸ਼ਨ ਪਹਿਲਾ ਸਥਾਨ, ਕੁਸ਼ਤੀ 30 ਕਿਲੋ ਮੰਨਤ ਪਹਿਲਾ ਸਥਾਨ, ਰਿਲੇਅ ਦੌੜ (ਲੜਕੇ/ ਲੜਕੀਆਂ) ਦੂਜਾ ਸਥਾਨ, 100 ਮੀਟਰ (ਲੜਕੇ) ਮੰਨਤ ਦੂਜਾ ਸਥਾਨ, 400 ਮੀਟਰ (ਲੜਕੀਆਂ) ਕਵਿਤਾ ਦੂਜਾ ਸਥਾਨ, 400 ਮੀਟਰ (ਲੜਕੇ) ਮੰਨਤ ਤੀਜਾ ਸਥਾਨ, ਲੰਬੀ ਛਾਲ (ਲੜਕੀਆਂ) ਕਵਿਤਾ ਤੀਜਾ ਸਥਾਨ, 600 ਮੀਟਰ (ਲੜਕੀਆਂ) ਕਵਿਤਾ ਦੂਜਾ ਸਥਾਨ, ਰੱਸਾਕਸ਼ੀ ਪ੍ਰਭਨੂਰ ਸਿੰਘ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਨ੍ਹਾਂ ਖਿਡਾਰੀਆਂ ਨੂੰ ਸਕੂਲ ਵਿੱਚ ਕਰਵਾਏ ਇੱਕ ਸਾਦੇ ਸਮਾਗਮ ਦੌਰਾਨ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਆ ਗਿਆ। ਇਸ ਮੌਕੇ ਸੰਦੀਪ ਕੌਰ ਹੈੱਡ ਟੀਚਰ, ਈ.ਟੀ.ਟੀ. ਅਧਿਆਪਕ ਗੁਰਸ਼ਰਨ ਸਿੰਘ ਅਤੇ ਬਬੀਤਾ ਰਾਣੀ ਨੇ ਬੱਚਿਆਂ ਦੀ ਹੌਸਲਾ ਅਫਜ਼ਾਈ ਕੀਤੀ।
