ਧਾਰੀਵਾਲ: ਇਥੇ ਥਾਣਾ ਧਾਰੀਵਾਲ ਦੀ ਪੁਲੀਸ ਨੇ ਵੱਖ-ਵੱਖ ਥਾਂਵਾਂ ’ਤੇ ਸ਼ਹਿਰ ਅੰਦਰ ਰਾਤ ਸਮੇਂ ਛਾਪਾ ਮਾਰ ਕੇ ਇਕ ਮੀਟ ਦੀ ਦੁਕਾਨ ਵਿੱਚ ਠੇਕਾ ਮਾਰਕਾ ਸ਼ਰਾਬ ਪੀ ਰਹੇ ਦੋ ਵਿਅਕਤੀਆਂ ਅਤੇ ਇਕ ਢਾਬੇ ਵਿੱਚ ਠੇਕਾ ਮਾਰਕਾ ਸ਼ਰਾਬ ਪੀ ਰਹੇ ਇਕ ਵਿਅਕਤੀ ਨੂੰ ਮੌਕੇ ’ਤੇ ਕਾਬੂ ਕੀਤਾ ਹੈ। ਬਿਨਾਂ ਪਰਮਿਟ/ਲਾਇਸੈਂਸ ਸ਼ਰਾਬ ਪਿਲਾਉਣ ਦੇ ਦੋਸ਼ ਹੇਠ ਦੁਕਾਨ ਦੇ ਮਾਲਕ ਅਤੇ ਢਾਬੇ ਦੇ ਮਾਲਕ ਨੂੰ ਸ਼ਰਾਬ ਪੀਣ ਵਾਲੇ ਤਿੰਨ ਜਣਿਆਂ ਸਣੇ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਵਿਰੁੱਧ ਆਬਕਾਰੀ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਹੈ। ਥਾਣਾ ਧਾਰੀਵਾਲ ਦੇ ਮੁੱਖੀ ਇੰਸਪੈਕਟਰ ਮਨਜੀਤ ਸਿੰਘ ਨੱਤ ਨੇ ਦੱਸਿਆ ਕਿ ਮੁਖਬਰ ਦੀ ਇਤਲਾਹ ’ਤੇ ਗੁਰਮੁੱਖ ਸਿੰਘ ਵਾਸੀ ਸਹਾਰੀ ਦੀ ਦੁਕਾਨ ਵਿੱਚ ਰੇਡ ਕੀਤੀ ਤਾਂ ਦੋ ਵਿਅਕਤੀ ਸ਼ਰਾਬ ਪੀ ਰਹੇ ਸਨ। ਸ਼ਰਾਬ ਪੀਣ ਵਾਲਿਆਂ ਦੀ ਪਛਾਣ ਬਲਦੇਵ ਰਾਜ ਅਤੇ ਅਸ਼ੋਕ ਕੁਮਾਰ ਵਜੋਂ ਹੋਈ। ਇਸੇ ਤਰ੍ਹਾਂ ਜਸਵੰਤ ਸਿੰਘ ਉਰਫ ਬਿੱਲਾ ਦੀ ਧਾਰੀਵਾਲ ਦਾਣਾ ਮੰਡੀ ਦੇ ਸਾਹਮਣੇ ਢਾਬੇ ’ਤੇ ਰੇਡ ਮਾਰ ਕੇ ਸ਼ਰਾਬ ਪੀ ਰਹੇ ਸੁਖਪਾਲ ਸਿੰਘ ਉਰਫ ਬੰਟੀ ਨੂੰ ਮੌਕੇ ਤੋਂ ਕਾਬੂ ਕੀਤਾ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
