ਚਮਕੌਰ ਸਾਹਿਬ: ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ ਕਾਲਜ ਬੇਲਾ ਦੇ ਪੀਜੀ ਬਾਇਓਟੈਕਨਾਲੋਜੀ ਵਿਭਾਗ ਵੱਲੋਂ ਵਿਸ਼ਵ ਆਈਪੀਆਰ ਦਿਵਸ ’ਤੇ ਵਰਕਸ਼ਾਪ ਲਗਾਈ ਗਈ। ਕਾਲਜ ਦੀ ਪ੍ਰਿੰਸੀਪਲ ਡਾ. ਸਤਵੰਤ ਕੌਰ ਸ਼ਾਹੀ ਨੇ ਦੱਸਿਆ ਕਿ ਇਸ ਸਾਲ ਵਿਸ਼ਵ ਬੌਧਿਕ ਦਿਵਸ 2022 ਦਾ ਥੀਮ ਇੱਕ ਬਿਹਤਰ ਭਵਿੱਖ ਲਈ ਆਈਪੀ ਅਤੇ ਨੌਜਵਾਨਾਂ ਦੀ ਖੋਜ ’ਤੇ ਕੇਂਦਰਿਤ ਹੈ। ਬਾਇਓਤਕਨਾਲੋਜੀ ਅਤੇ ਫੂਡ ਪ੍ਰੋਸੈਸਿੰਗ ਵਿਭਾਗ ਦੀ ਮੁਖੀ ਡਾ. ਮਮਤਾ ਅਰੋੜਾ ਨੇ ਵਿਦਿਆਰਥੀਆਂ ਨਾਲ ਸਵਾਲ ਜਵਾਬ ਵੀ ਕੀਤੇ। ਐੱਮਐੱਸਸੀ ਬਾਇਓਤਕਨਾਲੋਜੀ ਦੀਆਂ ਵਿਦਿਆਰਥਣਾਂ ਸਿਮਰਨ ਕੌਰ, ਕਿਰਨ ਅਤੇ ਰੁਪਿੰਦਰ ਕੌਰ ਨੇ ਆਈਪੀਆਰ ਕਾਨੂੰਨ, ਲਾਈਸੈਂਸਿੰਗ ਅਤੇ ਕਾਪੀਰਾਈਟ ਸਬੰਧੀ ਚਾਨਣਾ ਪਾਇਆ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
