ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 30 ਜੂਨ
ਨੈਸ਼ਨਲ ਇੰਸਟੀਚਿਊਟ ਆਫ ਓਪਨ ਸਕੂਲਿੰਗ (ਐੱਨਆਈਓਐੱਸ) ਵਿੱਚ ਮਾਨਤਾ ਪ੍ਰਾਪਤ ਬੋਰਡਾਂ (ਸਟੇਟ ਬੋਰਡਾਂ ਤੇ ਸੀਬੀਐੱਸਈ) ਦੇ ਅਸਫ਼ਲ ਵਿਦਿਆਰਥੀਆਂ ਲਈ ਸਟ੍ਰੀਮ-2 ਅਧੀਨ ਸੈਕੰਡਰੀ ਤੇ ਸੀਨੀਅਰ ਸੈਕੰਡਰੀ ਕੋਰਸਾਂ ਲਈ ਦਾਖ਼ਲਾ ਸ਼ੁਰੂ ਹੋ ਗਿਆ ਹੈ। ਵਿਦਿਆਰਥੀ ਵੈੱਬ ਪੋਰਟਲ https://sdmis.nios.ac.in ’ਤੇ ਆਨਲਾਈਨ ਦਾਖ਼ਲਾ ਲੈ ਸਕਦੇ ਹਨ। ਪ੍ਰੀਖਿਆਵਾਂ ਇਸੇ ਸਾਲ ਸਤੰਬਰ-ਅਕਤੂਬਰ ਵਿੱਚ ਹੋਣਗੀਆਂ। ਵਿਸ਼ਿਆਂ, ਫੀਸਾਂ, ਯੋਗਤਾ ਦੇ ਮਾਪਦੰਡ, ਐੱਨਆਈਓਐੱਸ ਅਧਿਐਨ ਕੇਂਦਰਾਂ ਸਬੰਧੀ ਜਾਣਕਾਰੀ ਲਈ ਵੈੱਬਸਾਈਟ www.nios.ac.in ਅਤੇ https://sdmis.nios.ac.in. ਤੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ। ਇਹ ਜਾਣਕਾਰੀ ਚੰਡੀਗੜ੍ਹ ਦੇ ਰਿਜਨਲ ਡਾਇਰੈਕਟਰ ਗੁਰਦੇਵ ਸਿੰਘ ਨੇ ਦਿੱਤੀ।
