ਨਿੱਜੀ ਪੱਤਰ ਪ੍ਰੇਰਕ
ਨੂਰਪੁਰ ਬੇਦੀ, 28 ਫਰਵਰੀ
ਪੀਈਸੀ ਕਾਡਰ ਦੀ ਜ਼ਿਲ੍ਹਾ ਪੱਧਰੀ ਐਸ਼ੋਸੀਏਸ਼ਨ (ਗੈਸਾ) ਵੱਲੋਂ ਰੂਪਨਗਰ ਜ਼ਿਲ੍ਹੇ ਦੇ ਵੱਖ-ਵੱਖ ਸਰਕਾਰੀ ਸਕੂਲਾਂ ਤੋਂ 13 ਸੇਵਾ ਮੁਕਤ ਪ੍ਰਿੰਸੀਪਲਾਂ ਤੇ 3 ਪਦਉੱਨਤ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ ਦੇ ਸਨਮਾਨ ਲਈ ਬਰੋਟਾ ਫਾਰਮ ਟਿੱਬਾ ਨੰਗਲ ਵਿਚ ਵਿਸ਼ੇਸ਼ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਗੈਸਾ ਦੇ ਜ਼ਿਲ੍ਹਾ ਪ੍ਰਧਾਨ ਪ੍ਰਿੰ. ਲੋਕੇਸ਼ ਮੋਹਨ ਸ਼ਰਮਾ ਨੇ ਦੱਸਿਆ ਕਿ ਸਮਾਗਮ ਦੌਰਾਨ ਰੂਪਨਗਰ ਜ਼ਿਲ੍ਹੇ ਦੇ ਪਦਉੱਨਤ ਹੋ ਕੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਬਣੇ ਰਾਜ ਕੁਮਾਰ ਖੋਸਲਾ ਡੀਈਓ (ਸ) ਰੋਪੜ, ਜਗਜੀਤ ਸਿੰਘ ਡੀਈਓ (ਸ) ਨਵਾਂ ਸ਼ਹਿਰ ਅਤੇ ਸਤਪਾਲ ਡੀਈਓ ਫਰੀਦਕੋਟ ਸਮੇਤ ਸੇੇਵਾ ਮੁਕਤ ਪ੍ਰਿੰ. ਬਲਜਿੰਦਰ ਕੌਰ ਬਹਿਰਾਮਪੁਰ ਜ਼ਿਮੀਦਾਰਾ, ਪ੍ਰਿੰ. ਦਿਨੇਸ਼ ਕੌਸ਼ਿਕ ਨੰਗਲ, ਪ੍ਰਿੰ. ਵਿਨੋਦ ਕੁਮਾਰ ਝੱਜ, ਸ਼ਾਮ ਸੁੰਦਰ ਸੋਨੀ ਅਨੰਦਪੁਰ ਸਾਹਿਬ, ਪ੍ਰਿੰ. ਮਲਕੀਤ ਸਿੰਘ ਝੱਲੀਆਂ ਕਲਾਂ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸ਼ਰਨਜੀਤ ਸਿੰਘ ਰੋਪੜ, ਪ੍ਰਿੰ. ਅਮਰਜੀਤ ਕੌਰ ਕਿਸ਼ਨਪੁਰਾ ਨੂੰ ਸਨਮਾਨਿਆ ਗਿਆ।
