ਪੱਤਰ ਪ੍ਰੇਰਕ
ਰਾਜਪੁਰਾ, 28 ਮਾਰਚ
ਇਥੋਂ ਦੇ ਸਮੂਹ ਪੱਤਰਕਾਰਾਂ ਵੱਲੋਂ ਪੱਤਰਕਾਰ ਤਾਲਮੇਲ ਕਮੇਟੀ ਰਾਜਪੁਰਾ ਦੇ ਬੈਨਰ ਹੇਠ ਲੋਕਾਂ ਨੂੰ ਕਰੋਨਾਵਾਇਰਸ ਪ੍ਰਤੀ ਜਾਗਰੂਕ ਕਰਨ ਲਈ ਤਾਲਮੇਲ ਕਮੇਟੀ ਦੇ ਚੇਅਰਮੈਨ ਅਸ਼ੋਕ ਪ੍ਰੇਮੀ, ਸੀਨੀਅਰ ਪੱਤਰਕਾਰ ਜੀ.ਪੀ ਸਿੰਘ, ਸੁਦੇਸ਼ ਤਨੇਜਾ, ਸੰਦੀਪ ਚੌਧਰੀ, ਮਨਜੀਤ ਧਵਨ, ਦੀ ਸਾਂਝੀ ਅਗਵਾਈ ਹੇਠ ਟਾਊਨ ਦੇ ਬਾਜ਼ਾਰਾਂ ਵਿੱਚ ਜਾਗਰੂਕਤਾ ਰੈਲੀ ਕੱਢੀ ਗਈ ਅਤੇ ਰਾਹਗੀਰਾਂ ਨੂੰ ਮਾਸਕ ਵੰਡੇ ਗਏ। ਮਾਸਕ ਵੰਡਣ ਦੀ ਸ਼ੁਰੂਆਤ ਥਾਣਾ ਸਿਟੀ ਦੇ ਮੁਖੀ ਇੰਸਪੈਕਟਰ ਗੁਰਪਰਤਾਪ ਸਿੰਘ ਨੇ ਟਾਊਨ ਦੇ ਟਾਹਲੀ ਵਾਲਾ ਚੌਂਕ ਵਿਖੇ ਰਾਹਗੀਰਾਂ ਨੂੰ ਮਾਸਕ ਵੰਡ ਕੇ ਕੀਤੀ। ਇਸ ਮੌਕੇ ਜਾਗਰੂਕਤਾ ਰੈਲੀ ਦੌਰਾਨ ਲੋਕਾਂ ਨੂੰ ਮਾਸਕ ਪਾਉਣ , ਸੈਨੀਟਾਈਜ਼ਰ ਕਰਨ , ਸਮਾਜਿਕ ਦੂਰੀ ਬਣਾਉਣ ਅਤੇ ਸਰਕਾਰ ਵੱਲੋਂ ਕੋਵਿਡ-19 ਦੇ ਪ੍ਰਤੀ ਜਾਰੀ ਕੀਤੀਆਂ ਹਦਾਇਤਾਂ ਦੀ ਪਾਲਣਾ ਲਈ ਪ੍ਰੇਰਿਆ ਗਿਆ। ਇਸ ਮੌਕੇ ਹਰਵਿੰਦਰ ਗਗਨ, ਜਗਨੰਦਨ ਗੁਪਤਾ, ਧਿਆਨ ਸਿੰਘ ਸ਼ੈਦਖੇੜੀ, ਮੇਵਾ ਸਿੰਘ ਭੰਗੂ, ਇਕਬਾਲ ਸਿੰਘ, ਪੰਡਿਤ ਚੋਰੰਜੀ ਲਾਲ ਸ਼ਰਮਾ ਸਮੇਤ ਹੋਰ ਮੌਜੂਦ ਸਨ।
