ਫ਼ਿਲਮਮੇਕਰ ਸੰਜੈ ਲੀਲਾ ਭੰਸਾਲੀ ਨੇ ਅੱਜ ਆਪਣੇ ਪ੍ਰੋਡਕਸ਼ਨ ਹਾਊਸ ਦੇ ਸੋਸ਼ਲ ਮੀਡੀਆ ਪੇਜ ’ਤੇ ਇੱਕ ਵੀਡੀਓ ਰਾਹੀਂ 2018 ਵਿੱਚ ਆਈ ਆਪਣੀ ਫ਼ਿਲਮ ‘ਪਦਮਾਵਤ’ ਦੇ ਕੁਝ ਅਣਦੇਖੇ ਦ੍ਰਿਸ਼ ਸਾਂਝੇ ਕੀਤੇ। ਫ਼ਿਲਮਮੇਕਰ ਦਾ ਕੋਈ ਸੋਸ਼ਲ ਮੀਡੀਆ ਅਕਾਊਂਟ ਨਹੀਂ। ਪ੍ਰੋਡਕਸ਼ਨ ਹਾਊਸ ਦੇ ਇੰਸਟਾਗ੍ਰਾਮ ਪੇਜ ’ਤੇ ਪਾਈ ਵੀਡੀਓ ਵਿੱਚ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੂਕੋਣ ਗੱਲਬਾਤ ਕਰਦੇ ਦਿਖਾਈ ਦੇ ਰਹੇ ਹਨ। ਇਸ ਵੀਡੀਓ ਵਿੱਚ ਸੰਜੈ ਲੀਲਾ ਭੰਸਾਲੀ ਅਦਾਕਾਰਾਂ ਅਤੇ ਪ੍ਰੋਡਕਸ਼ਨ ਯੂਨਿਟ ਨੂੰ ਦਿਸ਼ਾ ਨਿਰਦੇਸ਼ ਦਿੰਦੇ ਨਜ਼ਰ ਆਉਂਦੇ ਹਨ। ਭੰਸਾਲੀ ਆਪਣੀ ਅਗਲੀ ਫ਼ਿਲਮ ‘ਗੰਗੂਬਾਈ ਕਾਠਿਆਵਾੜੀ’ ਦੇ ਨਿਰਮਾਣ ’ਚ ਰੁੱਝੇ ਹੋਏ ਹਨ, ਜਿਸ ਵਿੱਚ ਆਲੀਆ ਭੱਟ ਨਜ਼ਰ ਆਵੇਗੀ।
ਸਬੰਧਿਤ ਖ਼ਬਰਾਂ
