ਨਵੀਂ ਦਿੱਲੀ, 24 ਜਨਵਰੀ
ਬਾਲੀਵੁੱਡ ਵਿੱਚ ਕਈ ਸਾਲਾਂ ਤੋਂ ਸਕੇ ਭੈਣ-ਭਰਾਵਾਂ ਨੇ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ ਤੇ ਇਨ੍ਹਾਂ ਦੀ ਸੂਚੀ ’ਚ ਨਾਂ ਲਗਾਤਾਰ ਜੁੜਦੇ ਜਾ ਰਹੇ ਹਨ। ਮਿਸਾਲ ਵਜੋਂ ਜਦੋਂ ਉਭਰਦੀ ਅਦਾਕਾਰਾ ਇਸਾਬੈਲ ਕੈਫ ਨੇ ਹਾਲ ਹੀ ’ਚ ਆਪਣੀ ਨਵੀਂ ਫ਼ਿਲਮ ਦੀ ਪਹਿਲੀ ਝਲਕ ਦਰਸ਼ਕਾਂ ਨਾਲ ਸਾਂਝੀ ਕੀਤੀ ਤਾਂ ਲੋਕਾਂ ਨੂੰ ਉਸ ’ਚ ਉਸਦੀ ਭੈਣ ਕੈਟਰੀਨਾ ਕੈਫ ਦੀ ਝਲਕ ਵਿਖਾਈ ਦਿੱਤੀ। ਇਸ ਸਮੇਂ ਬੌਲੀਵੁੱਡ ਵਿੱਚ ਅਜਿਹੇ ਕਈ ਨੌਜਵਾਨ ਹਨ ਜੋ ਜਾਂ ਤਾਂ ਅਦਾਕਾਰੀ ’ਚ ਆਪਣਾ ਕਰੀਅਰ ਬਣਾਉਣ ਲਈ ਤਿਆਰ ਹਨ ਜਾਂ ਕਈ ਅਜਿਹੇ ਕਲਾਕਾਰ ਵੀ ਹਨ ਜਿਨ੍ਹਾਂ ਨੇ ਆਪਣੇ ਭੈਣ-ਭਰਾਵਾਂ ਵਾਂਗ ਹੀ ਬਾਲੀਵੁੱਡ ’ਚ ਆਪਣਾ ਨਾਂ ਸਥਾਪਤ ਕੀਤਾ ਹੈ। ਇਸਾਬੈਲ ਕੈਫ ਨਵੀਂ ਫ਼ਿਲਮ ‘ਸੁਸਵਾਗਤਮ ਖ਼ੁਸ਼ਆਮਦੀਦ’ ਵਿੱਚ ਨਜ਼ਰ ਆਵੇਗੀ, ਜਿਸ ’ਚ ਉਸ ਨੇ ਪੁਲਕਿਤ ਸਮਰਾਟ ਨਾਲ ਕੰਮ ਕੀਤਾ ਹੈ। ਇਸ ਦੌਰਾਨ ਕੈਟਰੀਨਾ ਕੈਫ ਦਾ ਨਾਂ ਬਾਲੀਵੁੱਡ ਦੀਆਂ ਮਸ਼ਹੂਰ ਅਦਾਕਾਰਾਵਾਂ ਦੀ ਸੂਚੀ ’ਚ ਸ਼ਾਮਲ ਰਿਹਾ ਹੈ, ਜਿਸ ਨੇ ਦੋ ਦਹਾਕੇ ਪਹਿਲਾਂ ਸਾਲ 2003 ਵਿੱਚ ਫ਼ਿਲਮ ‘ਬੂਮ’ ਰਾਹੀਂ ਬਾਲੀਵੁੱਡ ’ਚ ਕਦਮ ਰੱਖਿਆ ਸੀ। ਇਨ੍ਹਾਂ ਭੈਣ-ਭਰਾਵਾਂ ’ਚ ਇਸਾਬੈਲ ਕੈਫ ਅਤੇ ਕੈਟਰੀਨਾ ਕੈਫ, ਨਾਮਾਸ਼ੀ ਅਤੇ ਮਹਾਕਸ਼ੈ ਚੱਕਰਵਰਤੀ, ਨੁਪੁਰ ਅਤੇ ਕ੍ਰਿਤੀ ਸੈਨਨ, ਰਾਜੀਵ ਅਤੇ ਸੁਸ਼ਮਿਤਾ ਸੇਨ, ਸਨੀ ਅਤੇ ਵਿੱਕੀ ਕੌਸ਼ਲ, ਸਾਕਬਿ ਸਲੀਮ ਅਤੇ ਹੁਮਾ ਕੁਰੈਸ਼ੀ, ਸੋਨਮ ਅਤੇ ਹਰਸ਼ ਵਰਧਨ ਕਪੂਰ ਦੇ ਨਾਂ ਸ਼ਾਮਲ ਹਨ। -ਆਈਏਐੱਨਐੱਸ
