ਸ਼ਹਿਣਾ: ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਇਕਾਈ ਸ਼ਹਿਣਾ ਨੇ ਸ਼ਹਿਣਾ ’ਚ ਸਰਕਾਰੀ ਸਸਤੇ ਅਨਾਜ ਦੇ ਡਿੱਪੂਆਂ ’ਤੇ ਗਰੀਬ ਪਰਿਵਾਰਾਂ ਨੂੰ ਨੀਲੇ ਕਾਰਡਾਂ ’ਤੇ ਦਿੱਤੀ ਜਾ ਰਹੀ ਕਣਕ ਦਾ ਤੋਲ ਚੈੱਕ ਕੀਤਾ। ਲਾਗਲੇ ਪਿੰਡ ਬੁਰਜ ਫਤਿਹਗੜ੍ਹ ਵਿੱਚ ਕਣਕ ਤੋਲੇ ਜਾਣ ’ਤੇ ਇੱਕ ਡਿਪੂ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਸ਼ਹਿਣਾ ਵਿੱਚ ਕਿਸਾਨ ਵਫ਼ਦ ’ਚ ਕਿਸਾਨ ਆਗੂ ਗੁਰਵਿੰਦਰ ਸਿੰਘ ਨਾਮਧਾਰੀ, ਇਕਾਈ ਪ੍ਰਧਾਨ ਸਤਿਨਾਮ ਸਿੰਘ ਸੱਤੀ, ਜਗਤਾਰ ਸਿੰਘ ਝੱਜ ਦੀ ਅਗਵਾਈ ਹੇਠ ਡਿੱਪੂਆਂ ਦੀ ਚੈਕਿੰਗ ਕੀਤੀ ਗਈ। ਕਿਸਾਨ ਅਗੂਆਂ ਨੇ ਕਿਹਾ ਕਿ ਲਾਭਪਾਤਰੀਆਂ ਵੱਲੋਂ ਕਈ ਤਰ੍ਹਾਂ ਦੀਆਂ ਸ਼ਿਕਾਇਤਾਂ ਦਿੱਤੀਆ ਗਈਆ ਸਨ, ਕਿ ਕਣਕ ਘੱਟ ਦਿੱਤੀ ਜਾ ਰਹੀ ਹੈ, ਜਿਸ ਦੇ ਆਧਾਰ ’ਤੇ ਜਥੇਬੰਦੀ ਵੱਲੋਂ ਕਈ ਡਿੱਪੂਆਂ ’ਤੇ ਜਾ ਕੇ ਦੇਖਿਆ ਗਿਆ ਅਤੇ ਕਣਕ ਦਾ ਤੋਲ ਚੈੱਕ ਕੀਤਾ ਗਿਆ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
