ਮੁੰਬਈ, 16 ਅਗਸਤ
ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਪ੍ਰੇਮਿਕਾ ਰਹਿ ਚੁੱਕੀ ਅੰਕਿਤਾ ਲੋਖੰਡੇ ਨੇ ਸੋਸ਼ਲ ਮੀਡੀਆ ’ਤੇ ਆਪਣੇ ਬੈਂਕ ਖਾਤੇ ਦੀ ਸਟੇਟਮੈਂਟ ਸਾਂਝੀ ਕੀਤੀ ਹੈ। ਉਸ ’ਤੇ ਦੋਸ਼ ਲਾਇਆ ਜਾ ਰਿਹਾ ਸੀ ਕਿ ਸੁਸ਼ਾਂਤ ਨੇ ਉਸ ਦੇ ਫਲੈਟ ਦੀਆਂ ਕਿਸ਼ਤਾਂ ਭਰੀਆਂ ਸਨ। ਅੰਕਿਤਾ ਨੇ ਟਵੀਟ ਕੀਤਾ, ‘ਬਹੁਤ ਤਰ੍ਹਾਂ ਦੇ ਸ਼ੱਕ ਕੀਤੇ ਜਾ ਰਹੇ ਸੀ। ਮੈਂ ਪੂਰੀ ਤਰ੍ਹਾਂ ਪਾਰਦਰਸ਼ੀ ਰਹਿਣਾ ਚਾਹੁੰਦੀ ਹਾਂ।
ਮੈਂ ਆਪਣੇ ਫਲੈਟ ਦੀ ਰਜਿਸਟ੍ਰੇਸ਼ਨ ਦੇ ਨਾਲ-ਨਾਲ ਆਪਣੇ ਬੈਂਕ ਖਾਤੇ ਦੀ ਸਟੇਟਮੈਂਟ ਸਾਂਝੀ ਕੀਤੀ ਹੈ ਜਿਸ ਤੋਂ ਸਾਬਤ ਹੁੰਦਾ ਹੈ ਕਿ ਮੇਰੇ ਫਲੈਟ ਦੀਆਂ ਕਿਸ਼ਤਾਂ ਮੇਰੇ ਹੀ ਖਾਤੇ ’ਚੋਂ ਕੱਟੀਆਂ ਗਈਆਂ ਹਨ। ਮੇਰੇ ਕੋਲ ਇਸ ਤੋਂ ਵੱਧ ਕਹਿਣ ਲਈ ਕੁਝ ਵੀ ਨਹੀਂ ਹੈ।’ ਇਸੇ ਦੌਰਾਨ ਸੁਸ਼ਾਂਤ ਦੀ ਮੌਤ ਦਾ ਦੂਜਾ ਮਹੀਨਾ ਪੂਰਾ ਹੋਣ ’ਤੇ ਵੱਖ ਵੱਖ ਹਸਤੀਆਂ ਨੇ ਉਸ ਨੂੰ ਸ਼ਰਧਾਂਜਲੀ ਭੇਟ ਕੀਤੀ। ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਸੁਸ਼ਾਂਤ ਦੀ ਆਤਮਿਕ ਸ਼ਾਂਤੀ ਲਈ ਯੱਗ ਹਵਨ ਕੀਤਾ। ਉਸ ਤੋਂ ਇਲਾਵਾ ਸੁਸ਼ਾਂਤ ਦੀ ਅਮਰੀਕਾ ਰਹਿੰਦੀ ਭੈਣ ਸ਼ਵੇਤਾ ਸਿੰਘ ਕੀਰਤੀ, ਅਦਾਕਾਰਾ ਕ੍ਰਿਤੀ ਸੈਨਨ ਅਤੇ ਅੰਕਿਤਾ ਲੋਖੰਡੇ ਨੇ ਵੀ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਯਾਦ ਕੀਤਾ। -ਆਈਏਐੱਨਐੱਸ
