ਟੋਹਾਣਾ: ਕਸਬਾ ਭੂਨਾ ਵਿੱਚ ਕਰੋਨਾ ਦੇ ਚਾਰ ਨਵੇਂ ਕੇਸ ਸਾਹਮਣੇ ਆਏ ਹਨ, ਜਿਨ੍ਹਾਂ ਵਿੱਚ ਇਕ ਮਰੀਜ਼ ਪਿੰਡ ਬੈਜਲਪੁਰ ਦਾ ਹੈ ਜੋ ਫੌਜ ਨਾਲ ਸਬੰਧਿਤ ਹੈ ਅਤੇ ਉਹ ਬੀਤੇ ਦਿਨ ਮਹਾਰਾਸ਼ਟਰ ਤੋਂ ਆਇਆ ਸੀ। ਦੂਜੇ ਕੇਸ ਦੀ ਵੀ ਟਰੈਵਲ ਹਿਸਟਰੀ ਮਹਾਰਾਸ਼ਟਰ ਦੀ ਹੈ। ਇਸੇ ਤਰ੍ਹਾਂ ਦੋ ਭੈਣ-ਭਰਾ ਵਿੱਚ ਕਰੋਨਾ ਪਾਇਆ ਗਿਆ ਹੈ। ਦੋਵੇਂ ਜਣੇ ਨਜ਼ਦੀਕੀ ਕਸਬੇ ਆਦਮਪੁਰ ਜ਼ਿਲ੍ਹਾ ਹਿਸਾਰ ਵਿੱਚ ਇਕ ਵਿਆਹ ਸਮਾਗਮ ਵਿੱਚੋਂ ਪਰਤੇ ਸਨ, ਜਿਨ੍ਹਾਂ ਦੀ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਜਾਣਕਾਰੀ ਮੁਤਾਬਿਕ ਸਿਹਤ ਵਿਭਾਗ ਨੇ ਭੂਨਾ ਦੇ ਚਾਰੋਂ ਮਰੀਜ਼ਾਂ ਨੂੰ ਫਤਿਹਾਬਾਦ ਦੇ ਕੋਵਿਡ-19 ਕੇਅਰ ਸੈਂਟਰ ਵਿੱਚ ਭਰਤੀ ਕਰਵਾ ਦਿੱਤਾ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
