ਮੁੰਬਈ, 13 ਅਗਸਤ
ਸਰਚ ਇੰਜਨ ਜਾਇੰਟ ਗੂਗਲ ਨੇ ਮਰਹੂਮ ਅਦਾਕਾਰਾ ਸ੍ਰੀਦੇਵੀ ਨੂੰ ਉਨ੍ਹਾਂ ਦੀ 60ਵੀਂ ਜਨਮ ਵਰ੍ਹੇਗੰਢ ’ਤੇ ਵਿਸ਼ੇਸ਼ ਡੂਡਲ ਨਾਲ ਸ਼ਰਧਾਂਜਲੀ ਦਿੱਤੀ। ਸ੍ਰੀਦੇਵੀ ਦਾ ਜਨਮ ਅੱਜ ਦੇ ਦਿਨ 1963 ਵਿੱਚ ਤਾਮਿਲ ਨਾਡੂ ਵਿੱਚ ਹੋਇਆ ਸੀ। ਸ੍ਰੀਦੇਵੀ ਨੇ ਚਾਰ ਸਾਲ ਦੀ ਉਮਰ ਵਿੱਚ ਤਾਮਿਲ ਫਿਲਮ ‘ਕੰਧਨ ਕਰੁਨਈ’ ਨਾਲ ਐਕਟਿੰਗ ਦੀ ਸ਼ੁਰੂਆਤ ਕੀਤੀ ਸੀ। ਸ੍ਰੀਦੇਵੀ ਨੇ ਫਿਲਮ ਇੰਡਸਟਰੀ ਨੂੰ ‘ਸਦਮਾ’, ‘ਚਾਲਬਾਜ਼’, ਲੰਮਹੇ’, ‘ਚਾਂਦਨੀ’, ‘ਜੁਦਾਈ’, ‘ਮਿਸਟਰ ਇੰਡੀਆ’, ‘ਇੰਗਲਿਸ਼ ਵਿੰਗਲਿਸ਼’ ਤੇ ‘ਮੌਮ’ ਜਿਹੀਆਂ ਕਈ ਹਿੱਟ ਫਿਲਮਾਂ ਦਿੱਤੀਆਂ। ਅਦਾਕਾਰਾ ਦਾ ਸਾਲ 2018 ਵਿੱਚ 54 ਸਾਲ ਦੀ ਉਮਰ ਵਿੱਚ ਦੁਬਈ ਵਿੱਚ ਦੇਹਾਂਤ ਹੋ ਗਿਆ ਸੀ। -ਪੀਟੀਆਈ
