ਦੁਬਈ, 18 ਅਕਤੂਬਰ
ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਬੁੱਧਵਾਰ ਨੂੰ ਆਈਸੀਸੀ ਵਨਡੇਅ ਬੱਲੇਬਾਜ਼ਾਂ ਦੀ ਰੈਂਕਿੰਗ ਵਿੱਚ ਪੰਜ ਸਥਾਨਾਂ ਦੀ ਛਾਲ ਮਾਰ ਕੇ ਛੇਵੇਂ ਸਥਾਨ ‘ਤੇ ਪਹੁੰਚ ਗਿਆ। ਘਰੇਲੂ ਮੈਦਾਨ ’ਤੇ ਚੱਲ ਰਹੇ ਵਿਸ਼ਵ ਕੱਪ ‘ਚ ਉਸ ਦੀ ਸ਼ਾਨਦਾਰ ਫਾਰਮ ਦੇ ਆਧਾਰ ‘ਤੇ ਆਈਸੀਸੀ ਵਨਡੇਅ ਬੱਲੇਬਾਜ਼ਾਂ ਦੀ ਰੈਂਕਿੰਗ ’ਚ ਰੋਹਿਤ ਨੇ ਅਫਗਾਨਿਸਤਾਨ ਖਿਲਾਫ 131 ਦੌੜਾਂ ਬਣਾਈਆਂ ਅਤੇ ਫਿਰ ਪਾਕਿਸਤਾਨ ਖਿਲਾਫ 63 ਗੇਂਦਾਂ ‘ਤੇ 86 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡ ਕੇ ਪ੍ਰਦਰਸ਼ਨ ‘ਚ ਫਾਰਮ ਵਿਚ ਚੱਲ ਰਹੇ ਬੱਲੇਬਾਜ਼ਾਂ ‘ਚੋਂ ਇਕ ਰਿਹਾ। ਅਫਗਾਨਿਸਤਾਨ ਦੇ ਜਾਦੂਗਰ ਰਾਸ਼ਿਦ ਖਾਨ ਗੇਂਦਬਾਜ਼ੀ ਰੈਂਕਿੰਗ ‘ਚ ਦੋ ਸਥਾਨ ਉੱਪਰ ਚੜ੍ਹ ਕੇ ਚੌਥੇ ਸਥਾਨ ‘ਤੇ ਪਹੁੰਚ ਗਏ ਹਨ, ਜਦਕਿ ਦੱਖਣੀ ਅਫਰੀਕਾ ਦੇ ਸਪਨਿਰ ਕੇਸ਼ਵ ਮਹਾਰਾਜ ਨੇ 7 ਸਥਾਨਾਂ ਦੀ ਵੱਡੀ ਚੜ੍ਹਤ ਨਾਲ ਮੁਜੀਬ ਉਰ ਰਹਿਮਾਨ ਦੇ ਬਰਾਬਰ ਪੰਜਵੇਂ ਸਥਾਨ ‘ਤੇ ਪਹੁੰਚ ਗਏ ਹਨ। ਬੰਗਲਾਦੇਸ਼ ਦੇ ਤਜਰਬੇਕਾਰ ਸ਼ਾਕਬਿ ਅਲ ਹਸਨ 343 ਰੇਟਿੰਗ ਅੰਕਾਂ ਨਾਲ ਵਨਡੇ ਆਲਰਾਊਂਡਰ ਰੈਂਕਿੰਗ ‘ਚ ਨੰਬਰ 1 ‘ਤੇ ਕਾਬਜ਼ ਹਨ। -ਪੀਟੀਆਈ
