ਮਾਛੀਵਾੜਾ: ਐੱਲਪੀਯੂ ਜਲੰਧਰ ਵਿੱਚ ਕਰਵਾਏ ਪੈਨੋਰਾਮਾ 5.0 ਐਡੁਫੈਸਟ 2023-24 ਵਿੱਚ ਦਿ ਸੁਪੀਰੀਅਰ ਵਰਲਡ ਸਕੂਲ ਮਾਛੀਵਾੜਾ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ ਅਤੇ ਓਵਰਆਲ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਸਕੂਲ ਦੇ ਵਿਦਿਆਰਥੀਆਂ ਨੇ ਵੱਖ-ਵੱਖ ਗਤੀਵਿਧੀਆਂ ਜਿਵੇਂ ਕਿ ਵਰਕਿੰਗ ਮਾਡਲ, ਨਾਨ-ਵਰਕਿੰਗ ਮਾਡਲ, ਕੈਲੀਗ੍ਰਾਫ਼ੀ, ਕਠਪੁਤਲੀ ਮੇਕਿੰਗ, ਪੇਸ਼ਕਾਰੀਆਂ, ਕੋਲਾਜ ਮੇਕਿੰਗ ਅਤੇ ਨੁੱਕੜ ਨਾਟਕ ਵਿੱਚ ਹਿੱਸਾ ਲਿਆ। ਸਕੂਲ ਵਿਦਿਆਰਥਣ ਰਿਧੀਮਾ ਨੇ ਕੈਲੀਗ੍ਰਾਫੀ ਵਿੱਚ ਪਹਿਲਾ, ਪ੍ਰਭਜੋਤ ਕੌਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਜੈਸਮੀਨ ਵਰਮਾ ਨੇ ਕਠਪੁਤਲੀ ਬਣਾਉਣ ਵਿੱਚ ਦੂਜਾ, ਸੁਖਨੀਤ ਕੌਰ ਅਤੇ ਕ੍ਰਿਸ਼ੀਕਾ ਸੇਠੀ ਨੇ ਕੋਲਾਜ ਮੇਕਿੰਗ ਵਿੱਚ ਦੂਜਾ, ਸਵਰੀਤ ਕੌਰ ਨੇ ਪੇਸ਼ਕਾਰੀ ਵਿਚ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮਾਣਮੱਤੀ ਪ੍ਰਾਪਤੀ ’ਤੇ ਪ੍ਰਿੰਸੀਪਲ ਰਸ਼ਮੀ ਸ਼ਰਮਾ, ਭਜਨ ਕੌਰ ਨੇ ਵਿਦਿਆਰਥੀਆਂ ਨੂੰ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ਅਤੇ ਅਜਿਹੇ ਸਮਾਗਮਾਂ ਵਿਚ ਵੱਧ ਤੋਂ ਵੱਧ ਸ਼ਮੂਲੀਅਤ ਕਰਨ ਲਈ ਪ੍ਰੇਰਿਤ ਕੀਤਾ। -ਪੱਤਰ ਪ੍ਰੇਰਕ
ਸੁਪੀਰੀਅਰ ਵਰਲਡ ਸਕੂਲ ਦੇ ਅਧਿਆਪਕਾਂ ਨੂੰ ਸਨਮਾਨਿਤ ਕਰਦੇ ਹੋਏ ਪ੍ਰਬੰਧਕ।-ਫੋਟੋ: ਟੱਕਰ
ਸਬੰਧਿਤ ਖ਼ਬਰਾਂ
