ਟੋਹਾਣਾ (ਪੱਤਰ ਪ੍ਰੇਰਕ): ਪੁਲੀਸ ਨੇ ਇੱਥੋਂ ਦੇ ਕਿਲ੍ਹਾ ਮੁਹੱਲਾ ਵਿੱਚ ਇੱਕ ਵਿਅਕਤੀ ਤੋਂ 70 ਹਜ਼ਾਰ ਰੁਪਏ ਲੁੱਟਣ ਦੇ ਦੋਸ਼ ਹੇਠ ਤਿੰਨੋਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਮੁਲਜ਼ਮਾਂ ਦੀ ਪਛਾਣ ਵਪਾਰੀ ਦੀ ਦੁਕਾਨ ’ਤੇ ਕੰਮ ਕਰਦੇ ਹੈਪੀ ਤੇ ਉਸ ਦੇ ਸਾਥੀ ਜਮਾਲਪੁਰ ਸ਼ੇਖਾਂ ਦੇ ਸੁਖਦੀਪ ਸਿੰਘ ਉਰਫ਼ ਕਮਲ ਤੇ ਸਮੀਰ ਵਜੋਂ ਦੱਸੀ ਗਈ ਹੈ। ਜਾਣਕਾਰੀ ਤਿੰਨੋਂ ਲੁਟੇਰੇ ਲੰਘੇ ਦਿਨ ਕਰਿਆਨਾ ਵਪਾਰੀ ਦੇ ਬੇਟੇ ਨਿਖਿਲ ਡਾਬਰਾ ਤੋਂ 70 ਹਜ਼ਾਰ ਦੀ ਨਕਦੀ ਲੁੱਟ ਕੇ ਫਰਾਰ ਹੋ ਗਏ ਸਨ। ਮਾਮਲੇ ’ਚ ਕਾਰਵਾਈ ਕਰਦਿਆਂ ਐੱਸਐੱਚਓ ਸ਼ਾਦੀਰਾਮ ਤੇ ਸੀਆਈਏ ਟੋਹਾਣਾ ਦੀ ਟੀਮ ਨੇ ਕੁੱਝ ਹੀ ਘੰਟਿਆਂ ’ਚ ਵਾਰਦਾਤ ਨੂੰ ਹੱਲ ਕਰਦਿਆਂ ਦੁਕਾਨ ਦੇ ਕੰਮ ਕਰਦੇ ਨੌਕਰ ਹੈਪੀ ਤੇ ਉਸ ਦੇ ਦੋ ਸਾਥੀਆਂ ਨੂੰ ਕਾਬੂ ਕਰ ਲਿਆ। ਪੁਲੀਸ ਨੇ ਦੱਸਿਆ ਕਿ ਮੁੱਢਲੀ ਪੁੱਛ-ਪੜਤਾਲ ਦੌਰਾਨ ਤਿੰਨੋਂ ਮੁਲਜ਼ਮਾਂ ਨੇ ਜੁਰਮ ਕਬੂਲ ਕਰ ਲਿਆ ਹੈ ਹਾਲਾਂਕਿ ਲੁੁੱਟ ਦੀ ਰਕਮ ਹਾਲੇ ਬਰਾਮਦ ਕਰਨੀ ਬਾਕੀ ਹੈ।
ਸਬੰਧਿਤ ਖ਼ਬਰਾਂ
