ਜਕਾਰਤਾ: ਭਾਰਤ ਦੇ ਕਿਰਨ ਜੌਰਜ ਨੇ ਇੰਡੋਨੇਸ਼ੀਆ ਮਾਸਟਰਜ਼ 500 ਬੈਡਮਿੰਟਨ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲਜ਼ ਕੁਆਲੀਫਾਇੰਗ ਗੇੜ ਵਿੱਚ ਦੋ ਜਿੱਤਾਂ ਦਰਜ ਕਰ ਕੇ ਮੁੱਖ ਡਰਾਅ ਵਿੱਚ ਜਗ੍ਹਾ ਬਣਾਈ ਹੈ। ਉਸ ਨੇ ਇੰਡੋਨੇਸ਼ੀਆ ਦੇ ਸ਼ੇਸਰ ਹਿਰੇਨ ਰੁਸਤਾਵਿਤੋ ਨੂੰ 21-17, 12-21, 21-15 ਨਾਲ ਹਰਾਇਆ। ਇਸ ਤੋਂ ਪਹਿਲਾਂ ਉਸ ਨੇ ਫਰਾਂਸ ਦੇ ਐਲੇਕਸ ਲੇਨੀਅਰ ਨੂੰ 12-21, 21-18, 22-20 ਨਾਲ ਮਾਤ ਦਿੱਤੀ ਸੀ। ਮੁੱਖ ਡਰਾਅ ਵਿੱਚ ਸੱਤਵਾਂ ਦਰਜਾ ਪ੍ਰਾਪਤ ਐੱਚਐੱਸ ਪ੍ਰਣੌਏ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਸਾਬਕਾ ਵਿਸ਼ਵ ਚੈਂਪੀਅਨ ਸਿੰਗਾਪੁਰ ਦੇ ਲੋਹ ਕੇ. ਯਿਊ ਖ਼ਿਲਾਫ਼ ਕਰੇਗਾ। ਲਕਸ਼ੈ ਸੇਨ ਦਾ ਸਾਹਮਣਾ ਚੀਨ ਦੇ ਵੇਂਗ ਹੋਂਗ ਯਾਂਗ ਨਾਲ ਹੋਵੇਗਾ ਤੇ ਕਿਦਾਂਬੀ ਸ੍ਰੀਕਾਂਤ ਲੀ ਜ਼ੀ ਜੀਆ ਨਾਲ ਭਿੜੇਗਾ। -ਪੀਟੀਆਈ