ਨਵੀਂ ਦਿੱਲੀ, 8 ਜੂਨ
ਈਦ ਉਲ ਅਜ਼ਹਾ(ਬਕਰੀਦ) 17 ਜੂਨ ਨੂੰ ਦਿੱਲੀ ਸਮੇਤ ਦੇਸ਼ ਭਰ ਵਿਚ ਮਨਾਈ ਜਾਵੇਗੀ। ਇਹ ਜਾਣਕਾਰੀ ਵੱਖ-ਵੱਖ ਮੁਸਲਿਮ ਧਾਰਮਿਕ ਆਗੂਆਂ ਨੇ ਦਿੱਤੀ। ਚਾਂਦਨੀ ਚੌਕ ਸਥਿਤ ਫਤਹਿਪੁਰੀ ਮਸਜਿਦ ਦੇ ਸ਼ਾਹੀ ਇਮਾਮ ਮੁਫਤੀ ਮੁਕਰਰਮ ਅਹਿਮਦ ਨੇ ਦੱਸਿਆ ਕਿ ਸ਼ੁੱਕਰਵਾਰ ਸ਼ਾਮ ਨੂੰ ਦਿੱਲੀ ’ਚ ਬੱਦਲਵਾਈ ਕਾਰਨ ਚੰਦ ਨਜ਼ਰ ਨਹੀਂ ਆਇਆ ਪਰ ਦੇਰ ਰਾਤ ਗੁਜਰਾਤ, ਤਿਲੰਗਾਨਾ ਦੇ ਹੈਦਰਾਬਾਦ ਅਤੇ ਤਾਮਿਲਨਾਡੂ ਦੇ ਚੇਨਈ ਤੋਂ ਇਸਲਾਮਿਕ ਕੈਲੰਡਰ ਦੇ ਆਖਰੀ ਮਹੀਨੇ ਦਾ ਚੰਦ ਦੇਖਣ ਦੀ ਪੁਸ਼ਟੀ ਹੋਈ ਹੈ। ਇਸ ਲਈ ਈਦ-ਉਲ-ਅਜ਼ਹਾ 17 ਜੂਨ ਨੂੰ ਮਨਾਈ ਜਾਵੇਗੀ।