ਮੁੰਬਈ:
ਆਲਮੀ ਬਾਜ਼ਾਰ ਵਿਚ ਮਜ਼ਬੂਤ ਰੁਝਾਨਾਂ ਅਤੇ ਬੈਂਕਿੰਗ ਤੇ ਐੱਮਐੱਫਸੀਜੀ ਸ਼ੇਅਰਾਂ ਦੀ ਖਰੀਦ ਵਧਣ ਨਾਲ ਬੰਬੇ ਸਟਾਕ ਐਕਸਚੇਂਜ ਦਾ ਸੂਚਕ ਅੰਕ ਸੈਂਸੈਕਸ ਅੱਜ ਪਹਿਲੀ ਵਾਰ ਇਤਿਹਾਸਕ ਅੰਕੜੇ 80,000 ਦੇ ਪੱਧਰ ਨੂੰ ਪਾਰ ਕਰ ਗਿਆ ਜਦੋਂਕਿ ਨਿਫਟੀ ਵੀ 162 ਤੋਂ ਵੱਧ ਨੁਕਤਿਆਂ ਦੇ ਉਭਾਰ ਨਾਲ ਨਵੀਂ ਬੁਲੰਦੀ ’ਤੇ ਬੰਦ ਹੋਇਆ। ਤੀਹ ਸ਼ੇਅਰਾਂ ਵਾਲਾ ਸੈਂਸੈਕਸ ਅੱਜ ਦਿਨ ਦੇ ਕਾਰੋਬਾਰ ਦੌਰਾਨ ਇਕ ਵਾਰ 632.85 ਨੁਕਤਿਆਂ ਦੇ ਉਭਾਰ ਨਾਲ 80,074.30 ਦੇ ਪੱਧਰ ਨੂੰ ਪੁੱਜਾ, ਪਰ ਮਗਰੋਂ 79,986.80 ਦੀ ਸਿਖਰ ’ਤੇ ਬੰਦ ਹੋਇਆ। ਉਧਰ ਨਿਫਟੀ ਵੀ 0.67 ਫੀਸਦ ਦੇ ਉਛਾਲ ਨਾਲ 24,286.50 ਦੀ ਨਵੀਂ ਸਿਖਰ ’ਤੇ ਬੰਦ ਹੋੋਇਆ। -ਪੀਟੀਆਈ